«Боратынский оригинален — ибо мыслит. Он был бы оригинален и везде, ибо мыслит по-своему, правильно и независимо, между тем как чувствует сильно и глубоко»

А. С. Пушкин

1800 ий 2 мартыште шӧртньӧ курымын палыме руш поэтше Евгений Абрамович Боратынский шочын. Евгений Абрамович — руш сылнымутышто ик эн палыме, но мучаш марте шымлыдыме поэт. Боратынскийын икымше почеламутшо 1819 ийыште савыкталтын. 1826 ийыште «Эда» ден «Пиры» поэмыже-влакын лекмышт деч вара Евгений Баратынскийым  ик эн виян возышо семын А. С. Пушкин, М. Ю. Лермонтов, И. С. Тургенев дене пырля тӧр шынденыт.

2 мартыште – поэтын шочмо кечыж вашеш – книгагудышто «Евгений Боратынскийым лудына» VI всероссийский акций негызеш «Палыдыме гений» сылнымут прогулкым эртарыме. Мемнан книгагудо тиде акцийыш кажне ийын ушна да поэзийм аклыше-влакым чумыра.

Акцийын участникше-влак  XIX курым тӱҥалтышыш вонченыт, мастар поэтым шарналтеныт да почеламутшо-влакым лудыныт.

Кажне ийын эртарыме сылнымут прогулка-влак самырык-шамычлан  XIX курымсо поэт-влакын творчествышт дене палыме лияш полшат. 

Теве ынде 85 ий «Союзмультфильм» студий мемнам поро да весела мультфильм-влак дене куандара. Нуно кумылым нӧлтат, порылыклан, келшымашлан кумылаҥдат. Тидын годым ме Винни-Пух маскаигым, Карлсоным, Чебурашкым, Матроскин пырысым, Кеша попугайым, Фунтикым шарналтена. А кӧ тендан йӧратыме мультгеройда? Кетыда мо те шке кидда дене нуным ыштен? Кертыда гын, тугеже йоча да самырык-влак коклаште эртарыме «Йӧратыме герой-влакын мультпарадышт» кидпаша республиканский конкурсыш ушнаш ӱжына.

Шошын икымше кечынже 1-6 класс-влакын залыштыже Тӱнямбал ӱдырамаш кечылан пӧлеклалтше «Мемнан аван пайремже!» книжно-иллюстративный ончер почылтын. Тудын шӧрлыклаштыже тендам ава нерген почеламут, муро, ойлымаш-влак вучат. Поэт ден  прозаик-влак шерге авана нерген шӱм гыч лекше сылне шомак=влакым шке произведенийышкышт веленыт.  

25 февральыште мемнан книгагудышто «Книгагудо – йоча лудыш рӱдер» семинар-совещаний эртен. Марий Эл Республикысе книгагудыласе вуйлатыше ден специалист-влак 2020 ийыште йоча-шамыч дене пашам ыштымышт нерген иктешлымашым ыштеныт.

Книгагудо вуйлатыше Е. А. Ерпылёва участник-влакым саламлен да палемден: книгагудо-влак 2020 ийыште COVID-19 пандемий пагытыште у йӧн дене пашам ышташ тунемыныт да шке лудшыштым арален коден кертыныт. Специалист-влакын уста пашаштым аклен, тудо умбакыжат сай паша кумылым тыланен.  

«Шерге ава да виян ача-влаклан» концерт иканаште кок пайремлан — 23 февраль да 8 мартлан – пӧлеклалтын.