Николай Степанович Гумилев руш сылнымут историйыш поэт, прозаик, художественный критик да кусарыше семын пурен. Тудын возымо ойпогыжо ятыр ий эртымеке веле лудшо деке корным муын. Николай Гумилевын тӱняумлымашыштыже чонын капым ончылтымыжо нерген умылымаш раш почылт шога. Тудын пашаштыже — раш графика ден почеламут сӱрет. Тидын дене тудо шкешотан возышо улеш. Николай Гумилев Икымше тӱнямбал сарыште участвоватлен, икмыняр орденже лийын, путешествийымат йӧратен. Почеламут деч посна эше тудо Африкысе калык-влакын илышышт гыч   этнографический заметке-влакым возен.

Николай Гумилевын шочмыжлан 135 ий темме вашеш книгагудо пашаеҥ-влак  илыш да творчествыж нерген занимательный викториным   ямдыленыт. Те тушто шке шинчымашдам терген кертыда.

Таче викториным иктешлена.

Мемнан книгагудышто «Нева сарыште тудо лийын сеҥалтдыме» ушым шуарыме модыш программа лийын. Тушто Йошкар-Оласе кыдалаш спецальностян тунемме т ӧнеж гыч йоча-влак участвоватленыт. Тушеч ме фоторепортажым темлена:

Марий калык вургем  – тӱвыран ик эн тӱҥ ужашыже. Тудо книга гаяк: лудын, ме калыкнан илыш радамжым, чон кӧргӧ  поянлыкшым, тудын моторлык нерген умылымашыжым эскерена.

«Эн кугу поянлык  –

икте-весе дене вашмутланымаш»

( Антуан де Сент ­ Экзюпери )

Книгагудышто эртаралтше усталык вашлиймаш-влак ынде поро йӱлаш пуреныт. Тидыже лудшына-влакланат моткоч келша. Шукерте огыл поэт, Россий писатель-влак ушемын еҥже Геннадий  Смирнов дене вашлиймашыш Йошкар-Оласе 9-ше номеран школын 11 классыштыже тунемше-влак толыныт.

Геннадий Николаевичын каласкалымыже кумылым нӧлта, а поэзий талантше кеч-кӧнат шӱм-чонжым тарвата. Вет тудын почеламутлаштыже илышын чынже ончыкталтын.