Кугу Отечественный сарын кышаже утыр да утыр шеҥгелан кодеш. Тек сӧй пасу-влак шудо дене кушкын пытеныт, но калыкнан Сеҥымашым кондышо героизмже мемнан шарнымаш гыч ок ӱштылалт.
Кугу кредалмаште сылнымутат ӧрдыж гыч ончышо гына лийын огыл, а сарын участникше лийын. Ятыр совет писатель ден поэт кредалмаште лийын, ала-кӧжӧ  военный корреспондентлан пашам ыштен, ала-кӧжӧ партизан отрядыште лийын…
Салтак-влак сылнымутым лудыныт веле огыл, а шӱм воктенышт Шолоховын, Толстойын, Леоновын очерк ден статьяшт-влакым, Твардовскийын, Симоновын, Сурковын почеламутыштым араленыт. Поэзий ден проза, спектакль ден фильм-влак, муро ден сӱрет радына-влак лудшо еҥым подвигыш ӱжыныт, сеҥымашым лишемдаш полшеныт.
Ме тендам «Лаштык гыч — колыдымашыш»литературный онлайн-викториныш ушнаш ӱжына. Тыге те автор да тудын произведенийже-влакым шарналтен кертыда. Кугу Отечественный сарысе талешке-влакын подвигыштым вес тукымлан шарнаш кодаш манын, ме тыршышаш улына.

Пашада ушныжо!
Сеҥышым сертификат вуча!
Викториным иктешлыме жап — 15 июнь.

 Таче викториным иктешлена.

 Марий талешке кечым ме кумдан палемдена. Кажне калыкын историйыштыже шке калыкше верч шогышо геройжо-влак улыт. Руш-влак Дмитрий Донской ден Сергий Радонежский, эстон-влак Лембиту, венгр-влак Янош Кошут, мордва-влак Бургас дене кугешнат. Марий калыкын мифологический да исторический геройышт — Болтуш, Онар, Чумбылат, Чоткар-патыр, Кокша, Мамич-Бердей, Акпарс, Акпатыр. Марий калык талешке-влаклан пӧлеклалтше модышыш ушнаш уло кумылын ӱжына.

МОДАШ

26 апрель — Марий талешке кече. Тиде пайрем  марий талешке Полтышын колымыж дене кылдалтын. Тудо XVI курымышто илен да шочмо калыкше верч вуйжым пыштен. Кажне калыкын историйыштыже ушеш кодшо лончо-влак улыт. Нуно торасе шӱдыр семын мемнан деке волгыдылыкым колтат.

 «Марий талешке-влак» книга ончер  краеведений да периодика пӧлкаште верланен. Тудо шочмо мландынан талешкыж-влак дене палдара.

Ончымо жапда сай лийже!

Шерге таҥ-влак!

Ме тендам кажне ийын эртаралтше «Могай сай тӱняште сар дечын посна!» VI-ше Республиканский лудмо конкурсыш ушнаш ӱжына! Тудо Кугу Отечественный сарыште сеҥымылан 76 ий темме лӱмеш эрта.

 УВЕРТАРЫМЕ КАНЫШ КЕЧЫЛА-ВЛАКЛАН КӦРА КОНКУРС 2021 ий  6 МАЙ ГЫЧ 12 МАЙЫШ КУСАРАЛТЕШ. 

28 апрель марте регистрационный формым библиотекын сайтыштыже возыман.

Конкурс кум ийгот номинацийыште эрта:

• «1-4 класслаште тунемше-влак»
• «5-8 класслаште тунемше-влак»
• «9-11 класслаште тунемше-влак, кӱшыл шинчымашым да кыдалаш специальностьым налше студент-влак»

Конкурс 10.00 шагатлан конференц-залыште тыгай адрес дене лиеш: Марий Эл Республик, Йошкар-Ола, Эшкинин урем, 10.

Йодышым тыгай телефон дене пуаш лиеш: 89600920550

Рашрак Конкурс нерген Положенийыште

 Тачысе илышнам телевизор, Интернет але микроволновка деч посна шоналташат ӧрына. А 100 ий ончыч чыла тидыже лийынжат огыл… 1920 ий деч вара мом шонен лукмо, кӧ шонен луктын, могай нелылык дене тӱкненыт — чыла тидым  «Изобретений курым: 1920-2020» виртуальный модыш гоч пален налаш лиеш.

Те шуко баллым поген кертыда мо? Пашада ушныжо!

МОДАШ

35 ий ончыч, 1986 ий 26 апрельыште, Чернобыльысо атомный электростанцийыште техногенный катастрофа лийын. Тиде кугу ойго мыланна урок семын кодеш. Пӱртӱсым сеҥаш тӧчымына дене каласен моштыдымо эҥгек лийын кертеш. Аварий годым радиаций кышкалалт лекме дене лийше ойго — айдемын айда лийже манме койышыжо. Тидым ме мондышаш огынал, тыгай туткар уэш лийшаш огыл!

«ХХ курымсо атом ойго» Книжно-иллюстративный ончер эше ик гана ушештара: ме шкенан илыме мландынам шинчасорта гай аралышаш улына.