Loading ...
2004 ий 1 сентябрьыште 
Йӱдвел Осетийысе Беслан олаште террорист-влак школым авырен налыныт. Боевик-влакын кидыштышт, Шамиль Басаевын шӱдымыж почеш, 1200 утла еҥ лийын, утларакшым йоча ден ӱдырамаш-влак. Кум кече да йӱд тушман-влак нуным вӱд да кочкыш деч посна кученыт. 3 сентябрьыште спецназ штурмым тӱҥалын, тидын годым 330 еҥ утла колен, нунын коклаште — 186 йоча, 740 наре еҥ сусырген…
Беслан, ме шарнена…
3 Срл 2021
«Пагален ӱжына але Ӧрдыжъеҥлан пураш лиеш!» виш омса кече
3 Срл 2021
Книгагудышто поро йӱлаш пурышо «Пагален ӱжына але Ӧрдыжъеҥлан пураш лиеш!» виш омса кече эртен. Йоча-влак сылнымут герой-влак дене вашлийыныт, модыныт, туштым туштеныт, ребусым решатленыт, мастер-класслаште лийыныт, икманаш, жапым веселан эртареныт! Но тыгодымак кӱлешан темымат тарватеныт: Йошкар-Оласе 29-ше номеран школышто да 28-ше номеран лицейыште 2 класслаште тунемше-влак кузе шкемым туткар деч аралыме правил-шамыч нерген пален налыныт. Нуно «Тый шкет кодынат гын» лӱман модышыш ушненыт. А теве «Йомакын юзо тӱняже» мультимедийный викторина йӧратыме произведений-влакын геройыштым шарналташ полшен. Ты школласе 10 класслаште тунемше-влак «Князь-воин, не знавший поражения» урок ден «Александр Невский» кином онченыт. Тиде кечын книгагудыш толшо чыла лудшылан экскурсий лийын. кумылан-влак библиотека дене лишкырак палыме лийын кертыныт. Адакше мемнан деке яра возалташ йӧн лийын. Тыгак фотозона пашам ыштен.
Пайрем кече оҥайын да веселан эртен!
Огыда ӱшане? Тугеже книгагудыш толза!
Шукырак фото ⇓
Историйым шергалына
1 Срл 2021
А те иктаж-гана шоналтенда мо, молан тунемме ий лачак 1 сентябрьыште тӱҥалеш? Тиде йодышлан ме вашешташ тыршышна. Айста пырля историйым шергалына!
«Онар, Вувер, Пампалче»: марий йомак да легенде-влак негызеш викторине-модыш
1 Срл 2021
А те марий йомак ден легенде-влакым паледа? Шке вийдам марий калыкын ойпогыж нерген викторине-модышышто терген кертыда. Пашада ушныжо!
Пайрем дене!
1 Срл 2021
1 сентябрь — Шинчымаш кече. Тудо изижымат-кугужымат вургыжаш таратыше, йыҥгыр дене йоҥгалтше, пеледыш аршаш дене темше, мондалтдыме. Шинчымаш кече гыч чыла тунемше-влаклан у тунемме ий тӱҥалеш. Кажне ийын школ ден ВУЗлаште линейка-влак эртат. А икымше классыш кайыше-влаклан тиде кече кок пачаш куанле, вет нуно илышын у йыжыҥжым тӱҥалыт. Чыла тунемше, студент, ава-ача, туныктышо-влакым ме Шинчымаш кече дене саламлена! Тек шинчыашыш корно тӧр, лектышан лиеш!
«Виянрак, кӱшкырак, веселанрак!»
9 Пдш 2021
Йошкар — Оласе «Факел» йоча клубын кеҥеж полщадкыштыже весела йӱк-йӱан ыле. Икшыве-влаклан «Виянрак, кӱшкырак, веселанрак!» спорт пайрем эстафета фроман лийын. Участник-шамыч вийыштым, моштымашыштым тергеныт, а тӱҥжӧ — командыште вашла полшымаш кумыл лийын. Соревнованийысе чыла этапыште кугу таҥасымаш эртен. Кажныже финишыш писынракт толын шуаш да сеҥыше лияш шонен. А сеҥенже келшымаш! Соревнований спорт да тазалык пайремыш савырнен!
«Авана-влак лудыныт, ачана-влак лудыныт»
9 Пдш 2021
Ятыр книга коклаште шуэн вашлиялтше, шке тӱсыштым изишак йомдарыше, но чонлан лишыл книга-влак улыт. Нуным мемнан ава-ачана, кова-кочана-влак лудыныт. Нине книга-влак пагытын шарнымашыжым аралат, поро да мунло улыт. Кованан ӱдыр годымжо «Красная шапочка» лудмо йомакше, аванан лудмо «Серая шейка» книгаже але ачанан йӧратыме Жюль Вернже мемнам ик жаплан тора пагытыш рӧртылтат. Мом нуно тыгодым шижыныт? Могай герой гай лияш шоненыт? Нине йодыш-влаклан вашмутым «Авана-влак лудыныт, ачана-влак лудыныт» книжно-иллюстративный ретро-ончерыште муаш лиеш. Тошто книга-влак мондалтыныт манын шонеда гын, тре йоҥылыш лийыда!
Толза мемнан книгагудыш, лудса йомакым, ойлымашым, повесть-шамычым. Книгам лудыт гын, тугеже, тудо ила!
