Loading ...
А те марий йомак ден легенде-влакым паледа? Шке вийдам марий калыкын ойпогыж нерген викторине-модышышто терген кертыда. Пашада ушныжо!
«Онар, Вувер, Пампалче»: марий йомак да легенде-влак негызеш викторине-модыш
1 Срл 2021
Пайрем дене!
1 Срл 2021
1 сентябрь — Шинчымаш кече. Тудо изижымат-кугужымат вургыжаш таратыше, йыҥгыр дене йоҥгалтше, пеледыш аршаш дене темше, мондалтдыме. Шинчымаш кече гыч чыла тунемше-влаклан у тунемме ий тӱҥалеш. Кажне ийын школ ден ВУЗлаште линейка-влак эртат. А икымше классыш кайыше-влаклан тиде кече кок пачаш куанле, вет нуно илышын у йыжыҥжым тӱҥалыт. Чыла тунемше, студент, ава-ача, туныктышо-влакым ме Шинчымаш кече дене саламлена! Тек шинчыашыш корно тӧр, лектышан лиеш!
«Виянрак, кӱшкырак, веселанрак!»
9 Пдш 2021
Йошкар — Оласе «Факел» йоча клубын кеҥеж полщадкыштыже весела йӱк-йӱан ыле. Икшыве-влаклан «Виянрак, кӱшкырак, веселанрак!» спорт пайрем эстафета фроман лийын. Участник-шамыч вийыштым, моштымашыштым тергеныт, а тӱҥжӧ — командыште вашла полшымаш кумыл лийын. Соревнованийысе чыла этапыште кугу таҥасымаш эртен. Кажныже финишыш писынракт толын шуаш да сеҥыше лияш шонен. А сеҥенже келшымаш! Соревнований спорт да тазалык пайремыш савырнен!
«Авана-влак лудыныт, ачана-влак лудыныт»
9 Пдш 2021
Ятыр книга коклаште шуэн вашлиялтше, шке тӱсыштым изишак йомдарыше, но чонлан лишыл книга-влак улыт. Нуным мемнан ава-ачана, кова-кочана-влак лудыныт. Нине книга-влак пагытын шарнымашыжым аралат, поро да мунло улыт. Кованан ӱдыр годымжо «Красная шапочка» лудмо йомакше, аванан лудмо «Серая шейка» книгаже але ачанан йӧратыме Жюль Вернже мемнам ик жаплан тора пагытыш рӧртылтат. Мом нуно тыгодым шижыныт? Могай герой гай лияш шоненыт? Нине йодыш-влаклан вашмутым «Авана-влак лудыныт, ачана-влак лудыныт» книжно-иллюстративный ретро-ончерыште муаш лиеш. Тошто книга-влак мондалтыныт манын шонеда гын, тре йоҥылыш лийыда!
Толза мемнан книгагудыш, лудса йомакым, ойлымашым, повесть-шамычым. Книгам лудыт гын, тугеже, тудо ила!
«Шӧртньӧ кол»
6 Пдш 2021
Шӧртньӧ кол – шонымашым шуктышо символ! Тидымак пеҥгыдемда Александр Сергеевич Пушкинын «Сказке о рыбаке и рыбке» йомакше. Очыни, тӱняште кажне айдеме, шӧртньӧ колым кучен, шонымашышке шунеже! Айста тиде колым шке кидна дене ыштена, тек шонымашна шукталтеш!
«Нине сылне йомак-шамыч!»
6 Пдш 2021
А.С. Пушкинын чыла йомакше оҥай, кажне тукымлан шерге. Кугу поэтын йомакше-влак мыланна йоча годсек шерге улыт да курымешлан пеленна кодыт! Йомак-влакыштыже — фантастический событий-шамыч, вучыдымо савыртыш да пиалан мучаш.
Ме тыланда йомак викториным темлена!
