Поро юзо тӱням йӧратыше чыла кумылан-влаклан
«Йомак тӱняште» модышым темлена.
Йомак герой-влак шке арверыштым луген пытареныт.
Нунылан муаш полшыза!
Телефон: (8362)34-15-12
Йошкар-Ола, Эшкинин урем, 10
Паша радам
Вашкыл
Кузе каяш
3D-экскурсий
Сайтын картше
Поро юзо тӱням йӧратыше чыла кумылан-влаклан
«Йомак тӱняште» модышым темлена.
Йомак герой-влак шке арверыштым луген пытареныт.
Нунылан муаш полшыза!
А те ОБЖ правил-влакым паледа? Шукынжо ойлат, очыни, могай йокрок паша, но тиде тыге огыл! Онлай-модышыш ушнеда гын, те шкак тидым шижыда.
Мемнан книгагудышкына С. Радонежский лӱмеш гимназий гыч йоча-влак толыныт ыле. Нуно руш писательница С.М.Георгиевскаян «Галян аваже» ойлымашыжым йӱкын лудыныт. Тений тиде авторын шочмыжлан — 105 ий.
Галян да тудын аваже кокласе келшымаш нерген ойлымаш йоча-влакым чот кумылаҥден. Кугу Отечественный сар годсо еш нерген произведений чон гыч лектын возалтын да илышын чынже ончыкталтын. Йоча-влак ойлымашым колыштыныт веле огыл, тыгак йодыш-шамычлан вашмутым пуэныт да Сеҥымаш нерген почеламутым лудыныт.
«Союзмультфильм» студийлан 85 ий темме лӱмеш йоча да самырык-влак коклаште увертарыме «Йӧратыме герой-влакын мультпарадышт» конкурсым иктешлыме.
Жюри ончык 7 гыч 17 ияш марте йоча-влакын 72 пашаштым лукмо. Йоча годсек палыме мультфильмла гыч йомак персонаж-влак куандарен ӧрыктареныт. Паша-влак тӱрлӧ йӧн дене ышталтыныт: квилллинг, аппликаций, крючк дене пидмаш, бисер гыч тодмаш, пластилин гыч паша да ятыр молат.Чыла ыштыш-кучышат оҥай да шкешотан, кумыл пыштен ыштыме лийын. Нине паша-влакым кеҥеж каныш жапыште чыла кумылан-шамыч книгагудын «Калейдоскоп» ончер пӧлемыште ужын кертыт. Жюрилан сайжым ойыраш неле лийын, туге гынат нуно иктешлымашым ыштеныт. Кӧ сеҥыше коклаште? Тыгерак:
Российысе патриотический самырык движенийлан — курым наре ий.
Икымше скаутский манме (англ. Scouting) тӱнямбалсе самырык-влак толкын Россий империйыште 1909 ийыште шочын.
Пионер организаций-влак 1922 ийыште шочыныт. 1924 ий марте нуно Спартакын лӱмжым, а варажым — В.И. Ленинын лӱмжым нумалыныт. Икымше пионер отряд-влак пашазе да крестьян-влакын йочаштым ушеныт. «Пионер организаций-влак Ушемын» девизше тыге йоҥга: «Шочмо Эл, порылык да чын верч». Тыгодым вожатый-влаклан полыш семын «Вожатый» журнал лектын, тушто педагогике, историй, литератур да спорт нерген статья-влак, викторина да конкурс-влак савыкталтыныт.
Лач тыге ойлат курыкмарий писатель Н.В. Игнатьев нерген. Йошкар-Оласе 9-ше номеран школын 11 классыште тунемшышт-влаклан книгагудо пашаеҥ-влак Никон Васильевич нерген сылнымут портретым эртареныт. Нуно писательын илыш да творческий корныж дене палдареныт. Никон Васильевич Игнатьев писатель-романист семын 1930 ийыште «Вурс мардеж» романже лекмеке чапланен. Тудо «У сем» журанлыште савыкталтын да чумыр марий сылнымутышто икымше роман лийын.
15 майыште Еш пайрем палемдалтеш. Еш– эн шерге, эн тӱҥ, мо мемнан илышыште уло.
Еш – тиде лишыл еҥ-влак, тиде — кӧм ме йӧратена, кӧн верч азапланена, кӧлан пиалым да порым тыланена. Кажне еш шкешотан.
Изи лудшына да тудын ава-ачаштлан ме «Еш=7мый» слайд-модышым темлена.