Студент пагыт илышын чевер жапше! Тиде — тыршен тунеммаш, зачет да экзамен, икте-весе дене палыме лиймаш да, мутат уке, йӧратымаш пагыт! Кажне ийын 25 январьыште Россий студентын кечыже палемдалтеш. Мемнан книгагудышто «Студент пагыт — ямле пагыт!» книжно-иллюстративный ончер-пайрем почылтын.

Чыла студент-влакым ме самырык шӧртньӧ пагыт нерген каласкалыше книга-влак дене палыме лияш ӱжына. Тендам Виктория Ледерманын «Первокурсница» , «Влюбить за 90 секунд», «В поисках сокровища» да Ася Лавриновичын «Любовь не по сценарию» произведенийышт-влак куандарат. Весела касым эртараш А.В. Коломейскийын «Новые студенческие миниатюры: свежие идеи для КВНов, капустников, вечеринок», Н.В. Кулешован «Сценарии праздников, конкурсов, дискотек для студентов», Е.А. Воронован «Мы начинаем КВН!» книгашт-влак полшен кертыт.

Книгагудыш пагален ӱжына! 

2022 ий Россий калыкын тӱвыра поянлыкшылан пӧлеклалтеш. Тидыже арамлан огыл, вет калык тӱвыра тукым-влакым кылдыше шӱртӧ гай. Мемнан задачына — кугезына-влакын пашаштым арален, ончыклык тукымлан пуаш. Марий калыкын тӱвыраже ятыр курымла дене вияҥын. Посна верым тушто маритӱр айла. Маритӱрын моторлыкшо, поянлыкше тачат шуко еҥым сымыстара. Садлан ме маритӱрын мастарже  Ираида Александровна Степанова дене ыштыме «Маритӱрын юзо вийже» виртуальный шагатым  ончаш темлена.

28 январьыште руш писатель, драматург Валентин Петрович Катаевын шочмыжлан 125 ий темеш. Тудын «Белеет парус одинокий», «Цветик-семицветик», «Дудочка и кувшинчик» произведенийже-влак кажнылан йоча годсек палыме. Тиде лӱмгече вашеш ме «Полкын эргыже Ваня Солнцев» сылнымут шагатым пӧлекленна. Тушко 9-ше номеран школын 6 классыште тунемше-влак толыныт ыле. Йоча-влак Валентин Петровичын илыш да творчествыж нерген пален налыныт, архивысе записьлан кӧра писательын йӱкемдыме ойжымат колыштыныт.

14 январьыште мемнан книгагудышто «Кузе лийын ожно годым» калык ойпого шинчымаш эртен. Тушко 29-ше номеран школ гыч кокымшо классыште тунемше-влак толыныт. Нуно ожнысо жапыште йомак ден муро, калыкмут ден модыш-влак шинчымаш каслаште кузе шочмышт нерген пален налыныт. Йоча-шамыч шкештат уло кумылын такмакым муреныт, мужедыныт, модыныт, туштым туштеныт. Икманаш, жапым веселан эртареныт!

Шерге йолташ-влак!

!

2022 ий Российысе калык тӱвыра поянлыкын ийже семын палемдалтеш. Тидын негызеш «В Тридевятом царстве» республикысе сӱрет конкурс эртаралтеш.

Йоча годсо пагыт гычак мемнам йомак-влак сымыстарат. Нуно тале да поро лияш кумылаҥдат, осал ден сайым ойыраш туныктат. Конкурсыш ушнышо изи да самырык сӱретче-влак 6 гыч 15 ияш лийшаш улыт. Нуно руш йомак почеш йӧратыме геройыштым але йомак историйым иллюстрироватлен ончыктышаш улыт.

Конкурсыш  очный але заочный  формышто ушнаш лиеш.

Паша-влак 3 апрель марте налалтыт.

Конкурс нерген тыште пален налаш лиеш – конкурсын Положенийже.

Йодмаш очный форматыште.

Регистрационный формо заочно участвоватлаш.

Пашада ушныжо!

«Никто не верит мне, когда я говорю, что моя длинная книга — это попытка создать мир, в котором язык, соответствующий моей личной эстетике, мог бы оказаться естественным…»

Дж. Р.Р. Толкиен

Тений Джон Рональд Руэл Толкиенын 130 ияш юбилейже палемдалтеш. Тудо — англичан филологий профессор,  писатель, тӱнямбал сылнымутысо фэнтези жанрын классикше, «Властелин колец» трилогийын, «Хоббит» повестьын да «Сильмариллион» элбьфийский эпосын авторжо. Лач тидын нергенак каласкала «Фэнтезин озаже» книжно-иллюстративнный ончер-бенефис. Толкин филологический модыш-влакым йӧратен, кыдалаш курым жапысе текст-влакым кусарен, ожнысо йылме наречий-шамычым тунемын. Юзо тӱня, йомак герой, дракон, гном, эльф-влак… Ну кузе от йӧрате тудын произведенийже-влакым? Ончерыште улшо книга-влак мо тугай хоббит-влак, могай йылме дене кутырат эльф-шамыч да моло шуко нергенат каласкалат. «Миры Толкиена» иллюстрированный энциклопедий гын посна верым налеш.

Книгагудыш пагален ӱжына!