Сандалыкын кумдыкыштыжо мо ышталтеш? Мом тудо шылта? Тиде да моло йодышлан вашмут кӱлеш гын, «Космосын туштыжо-влак»  книжно-иллюстративный ончерыш миен толаш темлена. Тудо Космонавтикын кечыжлан пӧлеклалтын.

Ончерыште сӧрал книга-влак галактика, планета да шӱдыр-влак нерген каласкалат. Тендам вучат: Ю. Усачевын «Один день в космосе», Люси ден Стивен Хокингын «Джордж и сокровища Вселенной», Степан Каймановын «Большой взрыв» да моло оҥай книга-влак!

Книгагудыш пагален ӱжына! 

XX-шо курым тӱҥалтыш жапыште марий поэт-влак коклаште кугу верым Олык Ипайын лӱмжӧ налеш. Олык Ипайын шочмыжлан 110 ий темме вашеш «Кӱрылтшӧ сем» сылнымут портретым ямдылыме. Марий кугыжаныш университетын студентше-влаклан поэтын илыш да творчествыж нерген каласкалыше мультимедийный презентацийым ончыктымо.

Мемнан элыште кумдан чапланыше швед писательница Астрид Линдгренын геройжо-влакым палыдыме еҥже укеат дыр. Изи лудшына-влаклан книгагудыштына «Линдгренын весела элже» костюмированный пайрем эртен, тудо авторын 115 ияш лӱмгечыжлан пӧлеклалтын.  Йӧратыме писательнице нерген каласкалымаш йоча-влаклан пеш келшен, вет тудо шкежат йочаж годымат, кугу лиймекат хулиган койышан лийын. Весела Карлсон дене пырля модмаш, оҥай конкурс ден викторина-влак, эреак ум шонен лукшо Пеппи Длинныйчулок да Фрекен Бокын туныктен ойлымыжо пайремым чынжымак кумыланым ыштеныт. 

Тӱнямбалсе театр кече вашеш 16-шо номеран школысо 1-ше классыште тунемше-влак дене пырля «Икана театрыште, але Посна кӱлешан заданий» театральный квиз эртен. Участник-влаклан модыш программа почеш путешествийыш тарванаш да тематический заданий-влакым шукташ кӱлын, кроссвордым решатлен, древнегреческий юмынӱдырын лӱмжым палыман улмаш. Тудо — театр сымыктышын покровительницыже. Ӱдыр-рвезе-влак шкеныштым ялт актёр семеш ужыныт, нуно руш калык йомакым модын ончыктеныт. Йоча-шамыч рольышытым устан модыныт, а ончышо-влак кидсовышым чаманен огытыл. Юзо тӱняш миен толмо дене, йоча-влак ӧрыктарыше приключений дене пырля театральный сымыктышын истрийжым эше утларак пален налыныт. 

«Ала-кушто Чуколандийыште…»

31 мартыште чапланыше руш йоча поэт, поро йомакче  Корней Иванович Чуковскийын шочмыжлан 140 ий темеш. Чылан палат да йӧратат тудын поро да сылне йомакше-влакым. Чуковскийын юзо тӱняшкыже логалнеда гын, «Ала-кушто Чуколандийыште…» сылнымут пайремыш толаш ӱжына.

Те оҥай йомак тӱняшке логалыда да йӧратыме геройда-влак дене вашлийыда! 

 Ончылгоч возалташ телефон 

34-15-12.

Крым ден Россий ушнымо кече вашеш книжно – иллюстративный ончерым чумырымо. Ончер шӧрлыклаште тиде кӱлешан событий нерген каласкалыше литературым вераҥдыме. Тушто Крымский полуостровын  историйже, тусо калык-влак нерген ойлалтеш.

Сӧрал альбом-шамыч полшымо дене мотор верлам ужаш, пӱртӱс поянлыкым, архитектур памятникым, дворцовый комплексым, музейым пален налаш лиеш.

Выставкыште посна верым Кугу сар жапысе Севастополь олам аралыме нерген материал айла. Книга ден журналласе лаштыклаште Крым республикын Россий деке ушнымо нерген ятыр материалым муаш лиеш.

Ончер дене лудмо залыште палыме лийын кертыда. Вучена!