Loading ...
Вашке 1812 ийысе Отечественный сарыште руш калыкын сеҥымыжлан 210 ий темме лӱмеш кечым палемдена. Тиде сар Россий кугыжанышын да руш армийын историйыштыже кугу верым налеш. Юбилейлан пӧлеклалтше «Руш чапын пасужо: Бородино» книжно-иллюстративный ончерым книгагудысо лудмо пӧлемыште ончаш лиеш.
«Руш чапын пасужо: Бородино»
8 Срл 2022
«Арам огыл шарна Россий…»
6 Срл 2022
Россий кугыжанышын историйыштыже ятыр событий лийын. Нунын кокла гыч иктыже – Бородинский кредалмаш. 210 ий ончыч, 1812 ийысе Отечественный сарыште, полководец М. И. Кутузовын вуйлатыме войскаже француз император Наполеон Бонапартын армийжым кырен шалатен. Кок шӱдӧ ий — шагал огыл жап. но мемнан кугезына-влакын талын кредалмышт тукым гыч тукымыш аралалт толеш.
Книгагудо телымсе паша радамыш кусна
1 Срл 2022
Пагалыме лудшо-влак!
1 сентябрь гыч книгагудо телымсе паша графикыш кусна:
Шочмо — изарня: 9.00 – 18.00
Кугарня: 9.00 – 16.00
Шуматкече — каныш
Рушарня: 9.00 – 16.00
Кажне тылзын 4-ше вӱргечыже — санитар кече.
Книгагудышко пагален ӱжына!
«Пагален ӱжына але Ӧрдыжъеҥлан пураш лиеш!» виш омса кече
29 Идм 2022
Шерге таҥна-влак! 1-ше сентябрьыште «Пагален ӱжына але Ӧрдыжъеҥлан пураш лиеш!» виш омса кечын тендам уло кумылын вучена!
«Писатель да жап»
9 Пдш 2022
Палыме марий писатель, С.Г. Чавайн лӱмеш Кугыжаныш премий лауреат, Марий Эл Республикын сулло пашаеҥже, Россий писатель ушем еҥ Юрий Ильич Соловьев 60 ияш лӱм гечыжым палемден. Туджо — 8 книган авторжо, а эше икымше марий киноактер да поэт Йыван Кырла нерген пьесым возышо семын палыме. Кызыт Юрий Ильич — «Марий книга савыктыш» пӧртын вуйлатышыже. Ме Юрий Ильичым шочмо кечыж дене шокшын саламлена да тудын дене возымо интервьюм ончалаш темлена.
«Пушкин – мемнан кугу поэтна!»
9 Пдш 2022
«Руш поэзийын Кечыже!» — тыге лӱмдат Александр Сергеевич Пушкиным. Кугу мастарын произведенийже-влак мемнан илышна мучко пырля улыт. Ме кажныже Пушкиным шке семынна ужына. Тудын тӱжвал тӱсшымат портретла гоч палена, но туштат тудо тӱрлӧ. Ме тыланда тудын икмыняр портретше дене палыме лияш темлена.
«Уэш ме Пушкиным лудына…»
9 Пдш 2022
6 июньышто уло элна Руш йылме кечым палемда. Тиде кечын руш поэт Александр Сергеевич Пушкинын шочын. Мемнан книгагудышто нылымше гана «Уэш ме Пушкиным лудына…» просветительский акций эртен. Лудшына-влак ятыр мероприятийыш ушненыт.
Поэтын йоча пагытше да Царско-сельский лицейыште тунемме жапше нерген «Кунам Саша Пушкин изи лийын» сылнымут шагат каласкален.
А.С. Пушкинын йомакше-влак почеш «Чудо-чудное, диво-дивное» сылнымут путешествийыште йоча-влак йӧратыме йомак-шамычым шарналтеныт, шке шинчымашыштым тергеныт.
А теве «шӧртньӧ колым» ышташ мастер-класс туныктен. Эн изи лудшына-влак поэтын творчествыж дене палыме лийыныт, йомакым колыштыныт да герой-шамычым сӱретленыт.
Кугурак ийготан йоча-влак «Мы все учились понемногу…» лӱман мероприятий жапыште «В Тридевятом царстве» Республиканский сӱрет конкурсын пашаж дене палыме лийыныт.
