«Травы, стихи и лесная скульптура – это как бы те «три кита»,

на которых в жизни и стоит моя душа»

Н. Жибрик

21 мартыште, Тӱнямбалсе поэзий кечын, СССР Писатель ушем еҥ, поэтесса  Нина Иосифовна Жибрикын шочмыжлан 90 ий темеш. Тиде лӱмгечылан  краеведений да периодика пӧлкаште «Шудо,почеламут да чодыра скульптур» книжно — иллюстративный ончерым ыштыме.

Нина Иосифовнан чумыр творчествыже шочмо эл деке йӧратымаш дене кылдалтын. Ончерыште «Радуга», «Теплые ладони подорожника», «Лесная криница», «Вересковая поляна», «Тропа к живой воде» книгаже-влакым вераҥдыме.

Писатель-краевед Олег Владимирович Чубарев илышыж мучко шочмо кундем нерген возен. Ойлымаш да очеркым возыман вич книгам савыктен. Чодыра ден ерлам йӧратен шымлен, Кленовогорье нерген легендым да преданийым лудшо-влаклан пӧлеклен. Тыге тудо марий кундемнан сӧрал вер-шӧрлаж дене мемнам палымым ыштен.

Писательын творчествыж да илыш корныж нерген «Пӱртӱс пелен» книжно-иллюстративный ончер каласкала. Тудо авторын 100 ияш лӱмгечыжлан пӧлеклалтын. Олег Владимирович Чубаревын произведенийже-влакым краеведений да периодика пӧлкаште муын кертыда.

Книгагудыш пагален ӱжына!

Алфавитысе икымше буква дене палыме лияш да келшаш тӱҥалаш манын, лачак азбукыш ончалаш кӱлеш. Тыште «А» буква да тудын 32 пошкудыжо ила. Весела да чулым «А» буква изи лудшо-влакым «Молан «A» — икымше?» лингвистический модышыш ушнаш ӱжеш.

«Буквария» элыште йоча-влак шуко ум да оҥайым пален налыт, руш алфавит дене кылдалтше лингвистический паша-шамычым ыштыме годым уш-акылыштым тергат. Ӱдыр-рвезе-влак шке жапыштым пайдалын эртарат да у шинчымашым налыт.

Тӱшкан возалташ телефон: 34-15-12.

Кажне ийын март тылзын икымше вӱргечынже Тӱнямбалсе йӱкын лудмаш кече палемдалтеш. Йӱкын лудмаш йыр улшо еҥ-влак дене шке кумылетым почаш полша. Ӱдыр-рвезе-влакым «Пырля лудына, йӱкын лудына!» сылнымут мозаикыш ушнаш ӱжына. Тудо йоча-влаклан йӱкын лудмашын тӱрлӧ лиймыж нерген каласкала. Тыгодым нуно мастарлыкыштым кутырымо жанрыште актер семынат терген кертыт.

Тӱшкан  возалташ ончылгоч лиеш. Телефон 34-15-12

Февраль тылзыште ик эн кӱлешан событий – Сталинград кредалмаште сеҥымашлан 80 ияш лӱмгече. 2 февральыште лийше тиде событий Кугу Отечественый сарыште тура савыртышым ыштен. Тиде кече вашеш книгагудышто «Ме она мондо Сталинградын подвигшым» шарнымаш шагат эртен. Тушко оласе школла гы тунемше-влак толыныт ыле. 

Друзья!

Уремыште — февраль, тугеже вашке   «Йӧратен пӧлеклыза книгам!» общероссийский акций тӱҥӓлтышым налеш.

2023 ий 7 гыч 14 февраль марте «Лудшым куштена» Тӱвыра, сымыктыш да просвещений деятель-влакын ассоциацийышт Российысе кугыжаныш йоча книгагудын полшымыж дене Тӱнямбалсе книгам пӧлеклыме кече вашеш «Йӧратен пӧлеклыза книгам!» общероссийский акцийым эртара. Тудо 14 февральыште лиеш. 

 Акцийын цельже – книгагудысо шӧрлыкым у книга дене пойдарымаш. Самырык лудшо-влак книгагудышто у савыктыш-шамычым налын лудын кертшаш улыт.

 Акцийын тӱҥ шонымашыже – еҥ-влаклан ушештараш: книга эрелан сай пӧлек лийын кодеш. Тиде пӧлекым чыланат пеш вучат! Мотор, у, оҥай книгам кеч-могай йоча лудаш йӧрата.

В.Х. Колумб лӱмеш Республикысе йоча да самырык-влаклан книгагудышто тиде акцийыш шымше гана ушна. Тыге 1500 экземплярлан мемнан книг шӧрлыкна пойдаратлын. Книга-влакым федеральный савыктыш, благотворительный фонд, Марий книга савыктыш, оласе книга кевыт, тыглай лудшо-влак пӧлекленыт. Тушко теат ушнен кертыда.

«Икшывылан пӧлеклыза куаным! Йӧратен пӧлеклыза книгам!»

* Книга-влакым 1 гыч 28 февраль марте тыгай адрес дене кондаш лиеш: Йошкар-Ола, Эшкинин урем, 10.