25 январьыште В.Х.Колумб лӱмеш йоча да самырык-влаклан книгагудышто пашаеҥ-влак йыргешке ӱстелыш чумыргат. Нуно эртыше 2022 ийыште ыштыме пашам да у 2023 ийсе ончыклык планым каҥашаш тӱҥалыт.

Вашмутланымашыште йоча да самырык-влакым книга деке шӱмаҥдыме йодышым, книгагудышто кучылталтше сай проект-влакын иктешлымашыштым, лудшо-влак коклаште кугу акым налше мероприятий-влакым палемдаш тӱҥалыт.

Посна тӱткыш эртыше ийысе событий-влаклан лиеш: Российысе лу ияш йоча пагыт (2018–2027), Россий Федерацийыште лу ияш шанче да технологий (2022–2031), Руш йылмын идалыкше, Педагог да наставник-влакын ийышт.

Могай йоча йомакым ок йӧрате? Шочын вочшо икшывылан ава малтыме мурым мура, йомакым каласкала. Кугу лиймекыже, йоча шкежак йомак-влакым лудаш тӱҥалеш. А нунышт моткоч шуко улыт. Тӱнямбалсе калык йомак-влак негызеш ме «Йомак карусель» сылнымут модышым ямдыленна. Самырык лудшо-влак оҥай йомак-влак дене, нунын геройышт-шамыч дене палыме лийын кертыт.  Мутлан, «Госпожа метелица» немыч йомак телым лумын кушеч лекмыж нерген каласкала, «Шепчущий мост» япон йомак шке лӱмжын секретшым почеш, В. Осееван «Добрая хозяюшка» йомакше йоча-влакым келшаш туныкта. Мероприятийыште ятыр сылнымут конкурс, модыш, тушто вучат. А эше весела кумыл!

Тӱшка погынен толнеда гын,тыгай телефон дене йыҥгыртыза: 34-15 -12.

 Шерге таҥ-влак!

2023 9 февральыште элна Российысе гражданский авиацийлан 100 ийтемме лӱмгечым палемда. Тиде кечын 1923 ийыште юж флотым ыштеныт, тидыже пассажир-влакым, почтым але моло грузым ик вер гыч весыш намиен шуктымо задаче дене кылдалтын. Таче тиде отрасль моткоч вияҥын, ятыр аэропорт, тунемме да шанче тӧнеж-влакымат уша.

Лӱмгече вашеш ме тендам «Российын шулдыржо» республикысе сӱрет конкурсыш ушнаш ӱжына. 

Йӧратыме теле пайрем — У ий лишемеш. Ойлат, кузе У ийым вашлият, туге тудым эртарет. Тугеже пайрем весела да шарнаш кодшо лийшаш. Тидланже книгагудышто вераҥдыме «Кожын йылгыжше тулыштыжо» лӱман книга ончер-пайремат полша, шонена. Книга ден журнал лаштыклаште ятыр У ий сценарийым, саламлымашан текст, пӧрткӧргӧ ден пайрем ӱстелым сӧрастарыме каҥаш-шамычым муаш лиеш.

Шарныза, пайрем шӱлышым поснак шке кид дене ыштыме пӧлек пурта. Садлан полыш семын «Радуга идей», «Девчонки–мальчишки. Школа ремесел» да моло журналат ончалаш пайдале лийыт. А эше У ий дене кылдалтше тӱрлӧ роман ден детектив-влак кумылдам савырат.

Книгагудыш пагален ӱжына!

У ий марте жап шагал кодын. Тиде пайремым сай кумыл дене вашлияш манын, изи лудшына-влаклан, тыгак нунын ава-ачашлан «Йӱштӧ Кугызан элыштыже» книжно-иллюстративный ончерым чумыренна. Йоча-влак У ий пайрем нерген шуко оҥайым пален налыт.

Ончерыште поро да весела йомак, почеламут, тушто-шамычым муаш лиеш. Андрей Усачевын «Почта Деда Мороза», «Олимпийская деревня Дедморозовка», Владимир Сутеевын «Когда зажигаются елки» книгаже-влак ончерыште поснак кугу верым налыт.

Книгагудыш пагален ӱжына! 

Пагалыме лудшына-влак!

Ушештарена, 5 декабрь гыч книгагудышто регистрацийым угыч эртыме жап тӱҥалеш.

Пелен паспорт (ава-ачан паспортшо) да лудшын билетше  лийшаш, тендам икымше пачашсе учет секторышто вучат.

Ак – 40 теҥге.

Шуко шочшан еш гыч да  начар тазалыкан йоча-влак регистрацийым яра эртат (пелен кӱлеш документ лийшаш).

Декабрь шке вержым налеш, да вашке весела У ий толеш.  У ийым пайремлаш эн ондак кӧ шонен муын? Шӱдӧ ий ончыч тиде пайремым кузе палемденыт? Тӱрлӧ эллаште могай волшебник-влак пӧлек-шамычым кондат?

У ий дене кылдалтше оҥай историй-влакым пален налнеда гын, «Лум кугыжанышыште, Йӱштӧ элыште» погынен шинчымаш лиеш. Тиде чыла огыл!  Йоча-влак  шкештат модышыш ушнен, тӱрлӧ весела йӱлаште участвоватлен кертыт.

У ий йомакыш пагален ӱжына!

 34-15-12 номеран телефон дене возалташ лиеш.