Пагалыме лудшына-влак!

Ушештарена, 5 декабрь гыч книгагудышто регистрацийым угыч эртыме жап тӱҥалеш.

Пелен паспорт (ава-ачан паспортшо) да лудшын билетше  лийшаш, тендам икымше пачашсе учет секторышто вучат.

Ак – 40 теҥге.

Шуко шочшан еш гыч да  начар тазалыкан йоча-влак регистрацийым яра эртат (пелен кӱлеш документ лийшаш).

Декабрь шке вержым налеш, да вашке весела У ий толеш.  У ийым пайремлаш эн ондак кӧ шонен муын? Шӱдӧ ий ончыч тиде пайремым кузе палемденыт? Тӱрлӧ эллаште могай волшебник-влак пӧлек-шамычым кондат?

У ий дене кылдалтше оҥай историй-влакым пален налнеда гын, «Лум кугыжанышыште, Йӱштӧ элыште» погынен шинчымаш лиеш. Тиде чыла огыл!  Йоча-влак  шкештат модышыш ушнен, тӱрлӧ весела йӱлаште участвоватлен кертыт.

У ий йомакыш пагален ӱжына!

 34-15-12 номеран телефон дене возалташ лиеш.

Йоча-влакым да нунын ава-ачаштым У ий пайрем ваштареш мастер-класс-влак вучат!  

Кажне ийын 1 декабрьыште СПИД ваштареш кучедалме тӱнямбал кече палемдалтеш.

Кугырак класслла да студент-влаклан пӧлемыште книжно-иллюстративный ончер-увер вераҥдалтын. Тусо шӧрлыклаште черын историйже, вирусын кузе шарлымыже, ВИЧ-инфекцийым кузе эмлыме нерген книга-влакым муаш лиеш. «Азбука СПИДа», «Профилактика ВИЧ-инфекции у подростков», «СПИД» (К. Брайант-Моул), «Имя ему СПИД. Четвертый всадник Апокалипсиса» (В. Тарантул), «ВИЧ и СПИД: Что с этим делать?» (К. Скрипкин) книга-влак шучко чер да тудын деч кузе аралалтме нерген каласкалат.

Тӱняште эртаралтше Эрге-влакын кечышт — поро еш пайрем. Ме тыланда Владимир Орловын почеламутшо почеш ыштыме мультипликационный фильмым ончаш темлена. Тудым книгагудысо «Колумб pictures» мультстудийын участникше-влак келыштареныт.

Пагалымаш, чытымаш, порылык, умылымаш… Тиде мут-влакын значенийыштым еҥ-влак эреак шарнышт манын, илышыштат тыгаяк лийышт манын, ятыр эллаште 16 ноябрьыште  Тӱнямбалсе толерантность кечым палемдаш ыштыме. Тидын деч меат ӧрдыжеш ышна код, «Ме еҥ коклаште илена» урок-шонкалымашым  эртарышна. Тушко 1-ше номеран школысо кокымшо классыште тунемше-влак толыныт.

Уий вашеш молгунамсе семынак мемнан книгагудышто «Ийын символжо» лӱман  модышым ыштыме Республиканский конкурс эрта. Шушаш 2023 ий китай календарь почеш Кролик (Пырыс) ий лиеш. Лачак нине пушкыдо янлык-влак конкурсын тӱҥ геройышт лийыт.

Кумылан йоча ден ава-ача-влакым конкурсыш ушнаш ӱжына! Рашрак конкурсын Положенийыштыже пален налаш лиеш.

Конкурсын Положенийже

Йодмашым пуымаш