Шерге йолташ-влак!

4 ноябрь — Марий Эл Республикын кечыже. Пайрем вашеш молгунамсе семынак кумылан-влакым «Мый йӧратем родной элемым» республиканский лудмаш конкурсыш ушнаш ӱжына.

Конкурсын тӱҥ шонымашыже — краеведений дене сылнымутым самырык-влак коклаште утларак шараш полшаш, марий поэзий деке кумылаҥдаш, шочмо элым йӧраташ туныкташ. Конкурсын участникше-влак Йошкар-Оласе да Марий Эл Республикысе чыла школ, гимназий да лицейыште тунемше, тыгак кыдалаш специальность дене кӱшыл шинчымашым налше студент-шамыч лийын кертыт. 

Шерге йолташна-влак!

Мыланна эн шерге — еш. Шерге — ава ден ача. Ынде икмынярымше ий ноябрь тылзын пытартыш рушарнянже  ме еш пайремым — Аван кечыжым — палемдена. 2021 ий гыч ача-влакын кечыштым палемдена. Тений тудо 16 октябрьыште пайремлалтеш.

Нине сылне пайрем-влак вашеш «ПАПАМАМАмания» республикысе сӱрет конкурс увертаралтеш. 6 гыч 15 ияш самырык сӱретче-влак чия, карандаш, кисточка полшымо дене шке ава-ачашт деке йӧратымашыштым ончыктен кертыт, еш каныш, эсогыл портретыштымат сӱретлаш йӧнышт уло.

Кажне ийын 1 октябрьыште Тӱнямбалсе семын кечыже палемдалтеш. Ме тудым 1975 ий гыч пайремлена. Очыни, уке тӱняште тыгай еҥ, кудыжо семым колышташ ок йӧрате! Нет, наверное, такого человека, который не любил бы слушать чарующие звуки мелодий.

Сылнымут да сымыктыш пӧлемыште «Шочмо кечет дене, Сем!» ончер-панорама почылтын. Тудо акрет годсо сем тӱня гыч тӱҥалын, тачысе кечын могай улмыж нерген каласкала. Сем кузе шочын, нотный стан, дирижер тоя кушеч толыныт — ончерысе книга-влакым лудын, палаш лиеш. А эше уста композитор-влакын пашашт дене палыме лийын кертыда.

Сеым йӧратыше-влакым пайрем дене саламлена!

Книгагудыш пагален ӱжына! 

Теоретический космонавтикылан негызым пыштыше, философ, мыслитель Константин Эдуардович Циолковскийын шочмыжлан 165 ий. Шанчызын лӱмгечыжлан пӧлеклалтше «К.Э. Циолковский – космонавтикылан негызым ыштыше» видеопортретым ончалаш темлена.

Илыше пӱртӱсын тӱняже моткоч кугу, айдеме таче кечынат тудым шымла. Воктен улшо янлык, кайык мемнан воктене улыт гынат, шке койышышт дене алят южгунам ӧрыктарат. Южгунамже лийын кертдыме историй-влакымат колаш логалеш. Тыгайже нерген пален налаш кумылда уло гын,   познавательно-игровой тематический программын участникше лияш ӱжына.

Йоча-влаклан книга ден журнал страницыла гоч  оҥай лиеш, мутлан, «Кӧ йылме дене ӱпшынчеш?» «Кӧн пылышыже эн кужу?» да молат.  А эше весела да усталык заданий-влак жапым пайдалын эртараш полшат!

Ончылгоч возалташ телефон: 34-15-12.

Мотор шыже кечын книгагудыштына Российын сулло артисткыже, Марий Элын калык артисткыже Маргарита Медикова дене вашлиймаш эртыш. Тудо М.Шкетан лӱмеш национальный драме театрыште ятыр ий модеш да ынде шукертак калык пагалымашым сулен.