9 сентябрьыште кумдан палыме руш поэт, кусарыше, йоча книга-влакын йӧратыме авторжо Борис Владимирович Заходерын шочмыжлан 105 ий темеш.

Лачак тудо тунемше-влаклан Шонымаш элыште улшо «Я» букван, Китын да Котын приключенийышт нерген оҥайын каласкален. Мастарын лӱмгечыж вашеш книгагудышто «Мыйын Шонымашем» книжно-иллюстративный ончерым сӧрастарыме. Шӧрлыклаште улшо литератур изи лудшо-влакым йомак, почеламут-шамыч дене куандара.

Олык Ипай лӱмеш Кугыжаныш премийлан тений 55 ий темеш. Тудо сылнымутышто, тӱвыра але сымыктыш аланыште кӱкшытыш шушо самырык еҥ да усталык коллективлан кок ийлан ик гана пуалтеш. Премий марий поэт-новатор Олык Ипайын (Ипатий Степанович Степанов)  лӱмжым нумалеш.

Тиде лӱмгече вашеш краеведений пӧлемыште  книжно-иллюстративный ончер почылтын. Тушто тӱрлӧ ийлаште премий дене палемдалтше лауреат-влак — поэт Валентин Колумб, композитор Эрик Сапаев да шуко моло нерген каласкалыше книга, журнал, альбом-шамыч вераҥдалтыныт. Кумылан-влакым нунын нерген лишкырак палыме лияш вучена.

Книгагудыш пагален ӱжына!

XIX курымсо писатель-влак кокла гыч Лев Николаевич Толстой гай иктат сылнымутыш тыге келгын пурен кертын огыл. Тидын нерген сайрак пален налнеда? Тугеже ме тендам «Ме тудын лӱмжӧ дене кугешнена» сылнымут композицийым ончалаш темлена. Тудо кугу руш писательын 195 ияш лӱмгечыжлан пӧлеклалтын. Кугурак класслаште тунемше да студент-влак Толстойын илыш да усталык пашаж дене лишкырак палыме лийын кертыт, тудын тӱнямбал кӱкшытан эн сай произведенийжылам ушештарат, писательын современникше-влакын шарнымашыштым  видеофрагментлаште ужын кертыт.

Тӱшкан погынен толшо-влаклан ончылгоч возалташ телефон: 34-15-12

Пагалыме лудшо-влак!

1 сентябрь гыч книгагудо телымсе паша жапыш кусна:

Шочмо — изарня: 9.00 – 18.00
Кугарня: 9.00 – 16.00
Шуматкече — каныш
Рушарня: 9.00 – 16.00

Кажне тылзын 4-ше вӱргечыже — санитар кече.

Книгагудышко пагален ӱжына!

Весела кеҥеж мучашке лишеме. Йоча-влак уэш парт коклаш шинчыныт. Мемнан ава-ача, кова-кочана-влакын тунемме пагытышт могайрак лийын, кузе нуно тунемыныт — тидын нерген руш сӱретче-влакын радынашт гыч ужаш лиеш. Ме тыланда кодшо курымсо школ, тунемше, туныктышо-влак нерген оҥай вернисажым ончалаш темлена.

Шинчымаш кечын книгагудышто моло ийысе семынак Виш омса кече лиеш.

1 сентябрьыште изи лудшо-влак сылнымут герой-влак дене вашлийын, тӱрлӧ модыш дене модын, туштым туштен але мастер-классыште лийын кертыт. Икманаш, жапым веселан эртараш чыла йӧн пуалтеш!

Чыла лудшылан тиде кечын книгагудо мучко экскурсий эртаралтеш. Нуно у пӧлем да у книга-влак денат палыме лийн кертыт. Кумылан-влаклан оҥай фотозонышто шарнымашан фото-влакым ышташ лиеш.

 А эше — пӧлек: книгагудышко тиде кечын яра возалташ лиеш!

Пайрем шарнаш кодшо да оҥай лийшаш!

Огыда ӱшане?  Тугеже книгагудыш толза!

«Пушкинский карте» — Минкультурын, Минцифрын да Почта Банкын иквереш ыштыме проектышт. Тудо самырык еҥ-влаклан  федеральный бюджет кӱшеш музейыш, театрыш, ончерыш, филармонийыш да моло учрежденийыш яра кошташ йӧным пуа.

«Пушкинский карте» дене 14 гыч 22 ияш марте самырык-влак культур учрежденийлаш яра коштын кертыт.

• «Пушкинский картын» номиналже  — 5000 теҥге. Оксам тиде ийыште кучылтса! Вес ийыш тудо огеш кусаралт.
• Лач культурный канышлан гына: библиотеке, музей, театр, галерей, филармоний, кинотеатр да тулеч моло культур учрежденийыш билет.
• Тендан алят «Пушкинский картыда» уке? Тугеже  госуслугысо  портал гоч йодмашым пуэн кертыда.

Мемнан книгагудына Пушкинский карте дене  В.Х. Колумблан пӧлеклалтше сылнымут пӧлем мучко оҥай экскурсийым эртара да  «Умные игры» интеллектуальный таҥасымашышке ушнаш йӧным ышта.