Писатель, кусарыше, военный журналист Елизар Осипович Янгильдинын шочмыжлан 1 сентябрьыште 110 ий темын. Тудын лӱмгечыж вашеш «Марий мутын кумылзакше» книжно-иллюстративный ончерым вераҥдыме.

Тудын сылнымут пашаже 1930-шо ийлаште общественно-политический литературым, статьям, очеркым, пӱртӱс зарисовкым, тыгак школысо учебниклан сылнымут произведенийым кусарымаш гыч  тӱҥалын.

1950-ше ийла мучаш — 1960-шо ийла тӱҥалтыш жапыште йоча-влаклан «Сылне эр», «Какшан серыште», «Юл воктене» книга-влакым савыктен. Тушто Елизар Осипович шочмо кундем нерген оҥайын каласкален, тудым йӧраташ да пагалаш туныктен. Ончычсо фронтовик Кугу Отечественный сар нергенат возаш монден огыл. «Берлин марте», «Ачам олмешат» произведенийже-влак сар годсо неле пагыт нерген каласкалат.

Ончерысе шӧрлыклаште Е.О. Янгильдин нерген литературымат муаш лиеш.

Книгагудыш пагален ӱжына!

---