Россий кино кече вашеш книгагудышто мультипликационный фильм-влакым ыштыме мастер-класс эртат. Ӱдыр ден рвезе-влак йоча кино ден мультфильм-влакым ончаш йӧратат веле огыл, но тыгак шкештат икымше гана мультипликатор семын пашам ыштен онченыт.  «Эволюция» Тунемме рӱдерысе кеҥеж лагерь гыч йоча-влак  «Кеҥеж нерген шарнымаш» мультфильмым ыштеныт. Кӱчык жапыште йоча-влак сюжетым, герой-влакым шонен муыныт, погымо материалым йӱкаҥденыт да пластилиновый мультфильмым ямдыленыт. Нуно сценаристын, режиссер-постановщикын, звукорежиссерын, декораторын профессийже нерген кумданрак пален налыныт. Тыгай вашлиймаш чылалан пеш келшен.

---