Шерге йолташ-влак!
Кугу Отечественный сарыште сеҥымылан лӱмеш Регион кокласе изи ийготан йоча-влаклан очный лудмо конкурс «Ме сар нерген почеламут-влак дене ойлена» мемнан книгагудышто эртен.
Сар нерген произведенийым лудмышт годым йоча-влак шукынжо чон шижмашыштым моткочак сай почын пуэныт.
Конкурсышто лудшо участник-влакын выступленийыштым авторитетный жюри аклен.
Конкурсышто 6 йоча сеҥышыш лектын.
СЕҤЫШЕ-ВЛАКЫМ САЛАМЛЕНА ДА У КӰКШЫТЫМ ТЫЛАНЕНА!
