10 майыште мемнан книгагудышто «Сар корно — сеҥымаш корно» сылнымут да сылнысем пайрем эртен. Тушто  Торгово-технологический колледжын студентше-влак лийыныт.

Вашлиймашын унаже сар пагытын йочаже-влак  Миненкова Эмилия Константиновна ден Леознова Нелли Александровна, сарын ветеранже  Мельников Петр Кузьмич лийыныт. Нуно ӱдыр-рвезе-шамычлан сар годсо илышышт нерген каласкаленыт. Миненкова Э. К. шке возымо почеламут-влакшым лудын.

Мероприятий жапыште Нигматуллина Линара  «Баллада о матери» ден «Моя Россия»муро-влакым йоҥгалтарен. Йоча-влак Муса Джалильын, Ольга Бергольц ден Юлия Друнинан почеламут-влакыштым лудыныт. В.Аксеновын мутшылан возымо «Вальс в миноре»  муро почеш вашлиймашын участникше-влак ветеран-шамычым кушташ ӱжыныт. Пытартышлан ветеран-влаклан пеледыш аршаш ден шокшо кидсовыш пӧлек семын лийыныт.

---