У  2024 ийыште кумдан палыме землякна нерген каласкалымашым умбакыже шуэна. «Библиорепортёр» циклнам марий поэт, Олык Ипай лӱмеш кугыжаныш премийын лауреатше  Татьяна Соловьева дене ыштыме интервью почеш.

Т.А. Соловьева – тӱрлӧ могырым шуаралтше уста айдеме. Тудо поэт веле огыл, тыгак муро аланыште тыршыше еҥ.  Тудын поэзийже келге шонымашан, вичкыж шижмашан. Кум  сборникын авторжо поэзий деч тораште улшо айдемымат сылнымут тӱняшке вӱден пуртен кертеш.

Тӱҥалше возышо-влаклан шке пашам кузерак виктарыман? Сылнымут мастарлыкым шуараш мом ыштыман? Тиде да моло йодышлан сылнымут мастар вашмутым пуа.

---