28 апрельыште книгагудышто «Тылзышке — Незнайке дене пырля» лӱман модыш-путешествий эртен. Тудын девизше: «Космонавт лийнет гын, шуко палышаш улат!» Тушко  «Йоча пагыт Рӱдер» гыч йоча-влак дене пырля ача-ава-шамычат толыныт.

Йоча-влак, кок командылан шелалтын, корабльын командирже дене пырля (книгагудо пашаеҥ) «космический правил-влакым» тунемыныт. Теве ынде чоҥешташат лиеш! Путешественник-шамыч Кече системысе  планете-влакым шымленыт, нунын макетыштым Кече йыр вераҥденыт. «Космический мутер» модышат йоча-влакын уш-акылыштым тергаш полшен. Незнайка, Н. Носовын йомак повестьше гыч герой, йоча-влак деч  сандалык нерген тушто-шамычлан чын вашмутым вучен.

Кӧ пала, ала йоча-влак кокла гыч чынжымак иктажше космонавт лиеш да сандалыкыш чоҥешта.

---