9 сентябрьыште кумдан палыме руш поэт, кусарыше, йоча книга-влакын йӧратыме авторжо Борис Владимирович Заходерын шочмыжлан 105 ий темеш.

Лачак тудо тунемше-влаклан Шонымаш элыште улшо «Я» букван, Китын да Котын приключенийышт нерген оҥайын каласкален. Мастарын лӱмгечыж вашеш книгагудышто «Мыйын Шонымашем» книжно-иллюстративный ончерым сӧрастарыме. Шӧрлыклаште улшо литератур изи лудшо-влакым йомак, почеламут-шамыч дене куандара.

Б. Заходерын оҥай да пайдале произведенийже-влак деч посна  йоча-шамыч вес элласе йомак геройла – Винни-Пух, Алиса Ӧрыктарыше Тӱня гыч, Мэри Поппинс да моло денат палыме лийын кертыт, вет лач нунын нерген Борис Заходер кусарыме пашам шуктен. Книга-влак мотор сӱретан, сайын сӧрастарыме улыт.

Лудса, пойдарыза уш-акылдам!

Книгагудыш пагален ӱжына! 

---