Шошо каныш жапыште оласе 16-шо номеран школ гыч йоча-влак «Корней коча дек унала» квест-модышышто лийыныт. Тудо кумдан палыме йоча писатель Корней Иванович Чуковскийын юбилейжылан пӧлеклалтын. Йоча-влакым «Крокодил» йомак гыч персонаж-шамыч — Тотоша ден Кокоша — вашлийыныт.

 Крокодил иге-влак  Чудо-пушеҥге гыч тӱрлӧарвер-влак йоммо нерген пален налыныт. Нуно полыш шотеш лӱддымӧ ӱдыр-рвезе-влакым кычалыт.

Квест-модышын участникышт-влак  Федоран, Бармалейын,  Закалякан, Доктор Айболитын да Муха-Цокотухан заданийыштым сайын шуктеныт. Писе уш-акылым, шинчымашым  ончыктен, Корней Чуковскийын йомакше-влакым сайын палыме дене нуно чыла станцийым эртен кертыныт. А Чудо-пушеҥгыште адакат «ката,кем да у колош-влак» кеченыт.

---