Йочам аралыме тӱнямбал кечым ятыр эллаште палемдат. Российыште тудо кеҥеж канышлан толеш. Мемнан книгагудышто 1 июньышто тӱрлӧ ийготан йоча-влаклан шуко модыш мероприятий эртен. Тений  лудшо-влаклан  «Тек эре лиеш кече» пайрем программым ямдылыме.

Эрден эрак эн изи лудшына-влакым йомак герой-влак Петрушка, Чебурашка да Крокодил Гена. вашлийыныт. Пылан игечым ончыде, йоча-влак тӱрлӧ конкурсыш, модышыш, эстафетыш ушненыт. Крокодил Гена йоча-шамыч деч йодеш: «Йочам кӧ деч, мо деч аралыман?». Вашмут тӱрлӧ лийын! «Осал янлык деч,  Бармалей-шамыч деч, Пират-влак деч!». «Веселые уроки АУ» сылнымут модышат пеш веселан эртен. Тудо кызыте авторский йомак-влак нерген лийын. А кӧ тугай АУ?  АУ – тиде  палыме руш писатель Андрей Усачевын аббревиатурыжо. Изи лудшына-влак тудын возымыжым поснак куанен лудыт.

Кугурак ийготан йоча-влак ола да элла дене палдарыше виртуальный путешествийыш миеныт, кызытсе руш да вес элласе автор-влакын произведенийышт дене палыме лийыныт, мемнан элысе йоча-влакын правашт шотыштат мутланеныт.

Ятыр йоча «Ший пӱян Ший Пампалче» марий калык йомакым лудмаште участвоватлен. Нуно йомакым лудыныт веле огыл, тыгак персонаж-влакын образыштым модыныт.

Тиде пайрем кечын йоча-влак книгагудо гыч весела кумылан да шере кочкыш дене каеныт.

---