Тений граждан сарын чапланыше талешкыже Василий Иванович Чапаевын шочмыжлан 130 ий темын. Тудын чын илышыже ятыр легенде дене варнен.

1 ӱярнян  «Чапаев: чын да шоя» портрет-кас эртен. Тушко торгово-технологический колледжын студентше-влак толыныт. Нуно полководецын илышыж гыч чын факт-влакым пален налыныт, архивысе документ-шамыч дене, специалист-влакын каласкалымышт дене палыме лийыныт. Лудшо-влакым теве мо ӧрыктарен: Чапаевын личностьше тӱрлӧ ятыр мифым шочыкташ амалым ыштен. Тыгодым тудын лӱмжым южо вере амыртен але мыскылен каласашат ӧрын огытыл.

---