Российын историйыштыже 1943 ий Кугу Отечественный сарыште поснак ойыртемалтше лийын.  Тунамсе кредалмашлаште сарын ончыкшо кузе вияҥме корныжо рашемдалтын. Ик тыгай кредалмаш Ржев ола воктене лийын. Совет айдемын лӱддымылыкшӧ да йомдарымашын шерге акшылан кӧра олам аралыше-влак тушманлан Москвашке кокымшо гана корным кучаш пуэн огытыл. Лачак тиде кредалмашыште совет калык чын вийжым ончыктен, сеҥымашлан ӱшаным пуэн.

Тиде кредалмашыште совет солдат ден офицер-шамычын подвигыштлан «Ржев ӱмбалне турня-влак» шарнымаш шагат пӧлеклалтын. Тушко Йошкар-Оласе кугыжаныш да муниципальный службо колледжын курсантышт толыныт. Документальный кинохроникылам ончен, йоча-влак Ржевысе кредалмашын кузе кайымыжым, историк-влакын шонымашыштым ужыныт да колыштыныт. Тиде кредалмаш нерген ятыр почеламут, муро возалтын: Александр Твардовскийын «Я убит подо Ржевом», «Под Ржевом от крови трава на века порыжела» муро да молат. Тунемше-влак мемориальный комплексын историйже нергенат колыштыныт. Тыгодым нунылан Ян Френкель да Расул Гамзатовын «Журавли»  мурышт йоҥген…

---