27 пургыжышто  В.Х. Колумб лӱмеш Республикысе йоча да самырык-влаклан книгагудысо ончер пӧлемыште тӱҥ да межпоселенческий библиотекын пашаеҥышт-влак дене вашлиймаш эртен. Семинар-совещанийыште «Книгагудо да самырык тукым: иктешлымаш ден ончыклык паша»  теме дене 2016 ийысе пашам иктешлыме.

Погынымашыште статистике показатель-влакым иктешлыме, самырык-влак дене пашам ыштыме у йӧн-шамычым палемдыме, Экологий ийлан ыштышаш сомыл-влак нерген мутланыме.

Самырык-влакым сылнымут классик деке мелын лияш кумылаҥдыме, нунын уш-акылыштым книга гоч пойдарыме йӧн-влак нерген, ончыклык профессийым ойыраш полшымаште книгагудын кӱлешлыкше нерген Медведево, Шернур, У Торъял тӱҥ книгагудо системыласе да В.Х.Колумб лӱмеш Республикысе самырык да йоча-влаклан книгагудын пашаеҥышт-влак мутланеныт. Посна тӱткышым Кино идалыклан п ӧлеклыме мероприятий-влаклан ойырымо.

Мучашлан совещанийын участникше-влак 2017-ше ийыште самырык лудшо-влак дене келгынрак да кумданрак пашам ыштыме нерген ка ҥашеныт.

---