2017 ий 15 февральыште  Йошкар-Олаште «Мутын куанже» православный книга ончер-форум почылтын.

Ончерым  Руш Православий Черкын Савыктыш Ушемже ден  Йошкар-Ола да Марий епархий, тыгак  «Православный книга» лӱман Книга савыктыш да ужалыше организаций-влакын ассоциацийышт чумыреныт. Форум Руш Православий Черкыш Патриаршествым уэш пуртымылан 100 ий темме лӱмеш да Православий  книга кечылан пӧлеклалтын.

16 февральыште мемнан книгагудышто семинар эртен. Тушто кугыжаныш да муниципал библиотекылаште книга фондым уэмдыме шотышто проблемым, тыгак черке ден кугыжаныш книгагудо системын пырля пашам ыштыме йодышым каҥашыме.Вашлиймашыш  республикысе 150 утла  книгагудо пашаеҥ толын. Кушкын толшо тукымым кӧргӧ чон поянлык негызеш кушташ — кеч-могай книгагудын пашаштыже  ик эн тӱҥ туравеллык. Семинарыш толшо-влак у Интернет-ресурс-влак нерген, православий литературын комплектований йӧнжӧ нерген пален налыныт, првославий книга дене пашам ыштыме опытышт дене палдареныт.

 

---