Февраль тылзыште ик эн кӱлешан событий – Сталинград кредалмаште сеҥымашлан 80 ияш лӱмгече. 2 февральыште лийше тиде событий Кугу Отечественый сарыште тура савыртышым ыштен. Тиде кече вашеш книгагудышто «Ме она мондо Сталинградын подвигшым» шарнымаш шагат эртен. Тушко оласе школла гы тунемше-влак толыныт ыле. Йоча-влак Сталинград кредалмашын кузе эртымыже да иктешлымашыже нерген пален налыныт. Полководец-влак Г.К. Жуков, К.К. Рокоссовский, В.И. Чуйков, А.И. Родимцев, связист Матвей Путилов, штурмовой группын сержантше Яков Павлов, снайпер Василий Зайцев, огнеметчик отделений  командир Михаил Елисеев, медсестра-влак Марионелла Королева, Наталья Качуевская да ятыр моло нергенат ӱдыр-рвезе-влаклан палаш пеш пайдале ыле. Кредалмашын участникышт-шамычын шарнымашышт, сар хроника тунемше-влаклан эртше шучко саманын шӱлышыжым шижаш амалым ыштеныт.

---