8 февраль — Самырык антифашистын кечыже. Тиде датылан пӧлеклалтыныт «Сар дене когаргыше йоча шӱм» сылнымут аккорд-влак. Мероприятийыш 29 номеран школысо 3 «а» да 19 номеран школысо 4 «г» классын тунемшыже-влак толыныт. Вашлиймаш Кугу Отечественный Сар пагытыште сеҥымашым лишемдымаште шке илышыштым лӱдде пуышо ӱдыр-рвезе-влакым шарныме амал дене эртаралтын.

Шочмо элышкына шучко тушман керылт пурымек, уло совет калык немыч ваштареш лӱдде шогалын. Ача, кугырак иза-ака дене пырля, кидыш винтовкым налын, шуко тӱжем йоча сӧй пасушко шке кумылын каен. Ӱдыр ден рвезе-влак… Нунын нӧргӧ вачышкышт сарын ойгыжо каласен моштыдымо нелыт дене возын. Но тиде нелыт нуным пызырен кертын огыл, мӧҥгешла, вияным ыштен. Чыла вере кредалыныт: каваште, теҥызыште, керчен катакомбышто, партизан отрядыште.

«Сар дене когаргыше йоча шӱм» лӱман сылнымут аккорд-влак иктымат йӱштӧ шӱманым коден огытыл. Йоча-влак самырык герой-шамыч нерген ойлымаш ден почеламутлам лудыныт, «Сыны полков» мурым йоҥгалтареныт. Мемнан шӱмыштына нӧргӧ ӱдыр-рвезе-влакын геройлыкышт ӱмырешлан илаш тӱҥалеш.

---