1 февральыште Марий Эл Республикысе Т.Е. Евсеев лӱмеш калыкле тоштерыште кумдан палыме краевед-литератор, этнограф Тимофей Евсеевын шочмыжлан 130 ий темме лӱмеш ончер почылтеш. Тушто «Евсеевский коллекций» гыч аралалт кодшо тӱрлӧ предмет-влак, тыгак 1920-1930 ийласе сӱретче-шамычын фотошко велыме сӱрет ден этюдышт-влак ончыкталтыт. Ончерыш толшо-влак «Тимофей Евсеевын шӧртньӧ фондшо: шочмыжлан 130 ий » лӱман брошюрым да Т.Евсеевын илыш да творчествыжлан пӧлеклалтше фильмым ужын кертыт.
Ончер 15.00 шагатлан почылтеш.
Материалым «Кидшер» интернет-журнал гыч налме
