ГодЛитературы.РФ  портал ден  А.С. Пушкин лӱмеш кугыжаныш музей «Онегиным лудына» видеопроектым увертареныт. Акцийын организаторышт-шамыч кумылан-влакым «Евгений Онегин» гыч темлыме ужаш-влак кокла гыч иктыжым камер ончылно йӱкын лудаш ӱжыт.

Профессиональный камер ден студиян фоным кучылташ сай лиеш, но тиде тӱҥ огыл.  Смартфонын камержат шотлан толеш. Тӱҥжым шарныман: войзаш «оҥ тура» гына лиеш (паспортысо семын), тыгак фон лугыч ыштышаш огыл.

Эше теве мом шотыш налман. Лудаш тӱҥалме деч ончыч книгам кадр шеҥгеч налман (тудым тыланда иктаж-кӧ шуялтен кертеш але шӧрлык я ӱстел гыч налаш лиеш), мучашлан книгам тыгак камер шеҥгек кораҥдыман (воктен улшо еҥлан шуялтыман але пыштыман).

Шкендан ролик-влакдам   2017 ий 15 январь марте тыгай адрес дене колтен кертыда:  konkurs@godliteratury.ru. Серышыште » Читаем Онегина» манын ончыкташ ида мондо.  Роликым тыгак  социальные сетьлашке (Facebook, VK, Instagram) #читаемонегинах хэштег дене колташ лиеш.

Эн сай паша-влак видеокнигашке пурталтыт да 10 февральыште, А.С.Пушкиным шарныме кечын,  ГодЛитературы.РФ порталыште савыкталтыт.