Колобок нерген йомак чылалан палыме. 76-шо номеран йочасадысе «Улыбка» лӱман группо гыч икшыве-влак «Колобок» — у семын йӧнештарыме йомак» постановкышто  лийыныт. Нуно йомакысе герой-шамычым шарналтеныт да артист семын рольымат модын ончыктеныт.

Ӱдыр-рвезе-влак шкештак оҥай вашмутланымаш ден сценкым шонен луктыныт, но «Мый ковай деч каенам, мый кочай деч каенам…» муро вашталтде кодын. Тале да йӧным мушо Колобок Мераҥ, Пире, Маска деч куржеш да Рывыжым вашлиеш. Чоя Рывыж Колобокым ондален ок керт, мемнан геройна  илыше кодеш. Пытартышлан Колобок йомакысе чыла герой ден ончышо-влакым шкеж дек чумырен да весела куштымашыш ушен.

Йоча-влак моткоч куаненыт, вет артист семын модаш йӧн кажне кечын ок лий!

---