Шерге йолташ-влак!

Тендам кажне ийын эртаралтше «Могай сай тӱняште сар дечын посна!» Республиканский лудмо конкурсыш ушнаш ӱжына. Тудо Кугу Отечественный сарыште Сеҥымашын 77 ияш лӱмгечыжлан пӧлеклалтеш. Конкурсыш Йошкар-Оласе да Марий Эл Республикысе школышто тунемше, кыдалаш специальностьым да кӱшыл шинчымашым налше студент-влак ушнен кертыт.

Конкурс кум ийгот категорий дене эрта:

• « 1-4 класслаште тунемше-влак»;
• « 5-8класслаште тунемше-влак»;
• «9-11 класслаште тунемше да кыдалаш специальностьым ден кӱшыл шинчымашым налше студент-влак»

Конкурсышто участвоватлаш манын, 2022 ий 28 апрель марте возалтман.

Конкурс 2022 ий  12 майыште В.Х.Колумб лӱмеш Республикысе йоча да самырык-влаклан книгагудышто лиеш. 10.00 шагатлан тӱҥалеш.

Йодышым тыгай телефон дене рашемдаш лиеш: 89379310172 Ирина Леонидовна Сушенцова

Рашрак  Конкурсын Положенийыштыже

Регистраций