Февральыште руш писатель, путешественник, инженер Николай Георгиевич Гарин — Михайловскийын шочмыжлан 170 ий темын. Тиде лӱмгече вашеш «Пиалан йоча пагыт» сылнымут шагат эртен. Тушто 9 номеран школын 6 классше гыч йоча-влак лийыныт. Йоча-влак Николай Георгиевич Гарин-Михайловскийын илыш да творческий корныж нерген пален налыныт. 

Нуно «Детство Тёмы» повесть нерген ойленыт, тӱрлӧ творческий заданий-влакым шуктеныт, произведенийын геройжо дене лишкырак палыме лийыныт. Весела модыш да викторина-влак вашлиймашым эшеат оҥайракым ыштеныт.

---