Йолташ-влак!

Пургыж тылзе тӱҥалын, тугеже «Йӧратен пӧлеклыза книгам!»  Россий кӱкшытан акций уэш вийым налеш. Ынде кудымшо гана мемнан книгагудо тиде поро пашаш уло кумылын ушна. Тиде пайремлан тӱҥалтышым США гыч школысо библиотекарь да книга блогер  Эми Бродмур пыштен. Книгам пӧлеклыме кече 2012 ий гыч 48 элыште палемдалташ тӱҥалын. Акцийын тӱҥ шонымашыже — ушештараш: книга эреак сай пӧлек лийын кодеш. Да тиде пӧлекым моткочак вучат! У, мотор, оҥай книга — кеч-могай йочаланат куан.

Пӧлеклыза йоча-влаклан куаным — йӧратен пӧлеклыза книгам!