28 январьыште руш писатель, драматург Валентин Петрович Катаевын шочмыжлан 125 ий темеш. Тудын «Белеет парус одинокий», «Цветик-семицветик», «Дудочка и кувшинчик» произведенийже-влак кажнылан йоча годсек палыме. Тиде лӱмгече вашеш ме «Полкын эргыже Ваня Солнцев» сылнымут шагатым пӧлекленна. Тушко 9-ше номеран школын 6 классыште тунемше-влак толыныт ыле. Йоча-влак Валентин Петровичын илыш да творчествыж нерген пален налыныт, архивысе записьлан кӧра писательын йӱкемдыме ойжымат колыштыныт.Тунемше-влак «Полкын эргыже» повесть гыч герой-влак дене уэш вашлийыныт. Герой-влак сар годсо жапыш, сӧй пасуш пӧртылтеныт. Произведенийын тӱҥ геройжо Ваня Солнцевын примерже негызеш йоча-влак кугу сарын изи талешкыже-влакым уэш шарналтеныт. Оҥай конкурс, викторина, творческий заданий-влак вашлиймашым мондаш лийдымым ыштеныт.

Книгагудыш пагален ӱжына! 

 

---