М.Шкетан лӱмеш марий кугыжаныш драме театрыште 8 ноябрьыште Фридрих Шиллерын «Коварство и любовь» пьесыж почеш шындыме «Осал чоялык да йӧратымаш» спектакльым ончыктат. 
Тул гай шижмаш дене йӱлышӧ кок чонлан йӧратымашым йомдараш моткоч неле. Чынрак каласаш гын, йӧратыме айдемым йомдараш. Кузе лияш тыгодым нунылан, кӧмыт икте-весышт деч посна илен огыт керт? Чонышто улшо юзо вийым сеҥен, ойырлаш лиеш мо? Уш кайымеш йӧратыше да шижмаш дене вӱдылалтше еҥ-влаклан «мландӱмбаке волаш» ала кӱлешлыкшат уке? Ала мӧҥгешла…
Спектакль 18 шагатлан тӱҥалеш. Премьерым ончаш толза.

«Кидшер» интернет-журнал гыч.

---