1 декабрь — Тӱнямбалсе СПИД ваштареш кучедалме кече. Тудо ВИЧ/СПИД эпидемийым чарен шогалтыме нерген шижтараш полша. Тиде датылан ме «Шинчымаш — лӱдмӧ ваштареш» книжно-иллюстративный увер-ончерым вераҥденна. Ончер шӧрлыкыштӧ черын вияҥ толмо историйже, тудын деч аралалтме йӧн-влак  нерген  книга да статья-влакым муаш лиеш. В. Тарантулын «Профилактика ВИЧ-инфекции у подростков», «Азбука СПИДа», «Имя ему СПИД. Четвертый всадник Апокалипсиса»,  К. Скрипкинын «ВИЧ и СПИД: Что с этим делать?» да моло книга-влакат шучко чер нерген каласкалат. Тыгак тӱрлӧ буклет-шамыч таза илыш-йӱлам кучымо нерген ойлат. Самырык-влаклан ончер пайдале лийшаш. Нуно тидым палышаш улыт!

Книгагудыш пагален ӱжына!

---