Лудшо-влаклан Роаль Дальын лӱмжӧ «Чарли и шоколадная фабрика» книгаж дене палыме.  Тудо ХХ-шо курымсо йоча книга-влак коклаште ик эн ончыл верыште шога.  Тений авторын шочмыжлан 105 ий темеш ыле. Тиде лӱмгече вашеш «1-ше номеран йомакче» сылнымут пайрем эртен. Тушко 15-ше номеран школысо  3 «А» класс гыч тунемше-влак толыныт.
Пайрем военный оркестрын йӱкшӧ дене почылтын, вет Роальд Дальын ешыштыже лач тыгак лийын. Презентаций полшымо дене йоча-влак писательын произведенйже почеш шындыме экранизаций гыч  видеофрагмент-влакым ужын кертыныт. Роальд Дальын книгаже-влак мотор сӧрастарыме улыт: «БДВ, или Большой и Добрый Великан», «Ведьмы», «Джеймс и гигантский персик», «Свинтусы». Нунылан   иллюстрацийым Великобританийысе тӱвыра колледжын профессоржо да авторын йолташыже Квентин Блейк ыштен.  Ӱдыр-рвезе-влак  Роальд Дальын почеламутшо-влакым уло кумылын лудыныт.

Тендамат писательын творчествыж дене палыме лияш ӱжына.

Толза книгагудыш!

---