Ойлат, пуйто пӱртӱс нерген лудаш моткоч йокрок. Но тиде тыге огыл! Тыгай шонымашан улыт 74-ше номеран йочасадысе изи ӱдыр-эрге-влак. Йомак пӧлемыште нуно писатель-натуралист Виталий Бианкин йомак да ойлымашлаж дене палыме лийыныт. Тиде возышым таклан огыл «чодыра йомакче», «чодырасе корреспондент» маныт.
Книгагудо пашаеҥ-влак йоча-влаклан В.Бианкин илышыже да творчествыж нерген презентацийым ончыктеныт. А эше «Лесные домишки» лӱман йомакшым лончыленыт. Электрон презентаций гоч йомакыште каласкалалтше кайык пыжаш-влакым ужаш ӱдыр-рвезе-шамычлан оҥай лийын. Нуно тыгак модыш-викториныште тӱрлӧ кайык нерген шарналтеныт.
Виталий Бианкин книгаже-влакым лудын, кушкын толшо тукым пӱртӱсым йӧратыше да аклыше лиеш манын ӱшаныме шуэш.
![img_8781](https://rubcolumba.ru/wp-content/uploads/2016/09/IMG_8781-e1474613042528-300x200.jpg)
![img_8777](https://rubcolumba.ru/wp-content/uploads/2016/09/IMG_8777-300x200.jpg)