Лач тыге ойлат курыкмарий писатель Н.В. Игнатьев нерген. Йошкар-Оласе 9-ше номеран школын 11 классыште тунемшышт-влаклан книгагудо пашаеҥ-влак Никон Васильевич нерген сылнымут портретым эртареныт. Нуно писательын илыш да творческий корныж дене палдареныт. Никон Васильевич Игнатьев писатель-романист семын 1930 ийыште «Вурс мардеж» романже лекмеке чапланен. Тудо «У сем» журанлыште савыкталтын да чумыр марий сылнымутышто икымше роман лийын. 

Йоча-влак Игнатьевын неле илышыж нерген пален налыныт — илымыж годым писатель изи заметкыла гоч веле пале лийын, а 1937 ий деч вара авторын лӱмжӧ марий сылнымутын историйже гыч йӧршеш гаяк ӱштылалтын. Лач 1950—ше ийла кыдалне веле тудым реабилитироватленыт да илыш да паша корныжым шымлаш тӱҥалыныт.

 

 

---