Шошын икымше кечынже 1-6 класс-влакын залыштыже Тӱнямбал ӱдырамаш кечылан пӧлеклалтше «Мемнан аван пайремже!» книжно-иллюстративный ончер почылтын. Тудын шӧрлыклаштыже тендам ава нерген почеламут, муро, ойлымаш-влак вучат. Поэт ден  прозаик-влак шерге авана нерген шӱм гыч лекше сылне шомак=влакым шке произведенийышкышт веленыт.  

Лудшо-влак коклаште «Стихи к любимым праздникам», «Наши любимые праздники», «Стихи для утренников», «Мама: стихи, рассказы, сказки» да молат кумдан палыме улыт. Ава-ача-влак йочашт-шамычлан  Борис Емельяновын «Рассказы о маме», Роберт Маншын «Навсегда» книгаштым лудын кертыт. А теве Марина Потоцкаян «Когда мама была маленькой» весела да поро шӱлышан книгаже ик лудшымат кумыл налде ок кодо. Ава нерген книга-влак пайрем вашеш веле огыл, тыглай кечынат лудалтшаш улыт. Садлан вашкыза мемнан дек!

Пагален ӱжына!

---