Я порою себя ощущаю связной
Между теми, кто жив
И кто отнят войной.

Юлия Друнина

Сар нерген почеламут-влак  — тиде поэзий поянлык веле огыл, эше историй поянлык. Таче, кунам Кугу Отечественный сар нерген ятыр ӱчашымашым луктыт, сар годсо поэзийын вийже икмыняр пачаш кугу, тудо — мемнан историйнан свидетельже.  Военно-патриотический воспитанийлан пӧлеклалтше месячникыште Торгово-технологический колледжын тунемшышт-влак Юлия Друнинан «Поэзием, улат окоп гыч лекше» поэзий шагатышкыже  погыненыт.

Поэтессын илыш корныжо ойыртемалтше лийын. Тудо шке кумылын 17 ияш фронтыш каен. Юлия Друнининан поэзийжат шкешотан, чоныш логалше. Документальный фильмла гыч видеофрагмент-влакым йоча-влак мультимедийный презентацийыште ужын кертыныт. Поснак авторын «Прощание» почеламутым лудмыжо келшен. Мучашлан тунемше-влак поэтессе нерген шке шонымашыштым ойленыт, тудын поэзийжым лудыныт.

---