125 ий ожно  лет руш совет писатель Илья Яковлевич Маршак шочын. Тудын сылнымут псевдонимже М. Ильин. Тиде авторлан  «Кузе айдеме онар гай лийын» лӱман сылнымут путешествий пӧлеклалтын. 11-ше номеран лицейын 1-ше классыштыже тунемше-влак писательын илыш ден творчествыж дене палыме лийыныт. Тудын «Как человек стал великаном», «Сто тысяч почему», «Рассказы о вещах», «Рассказы о том, что тебя окружает» книгаже-влакым мемнан элысе ятыр тукым куанен лудын да лудеш.

Йоча-шамыч писательын «Сто тысяч почему» книгаж гыч «Как человек стал великаном» да «Давно ли человек приручил огонь» историйже-влакым колыштыныт, туштым туштеныт, а мучаште «Истории вещей» мультфильмым онченыт.