#читаемоблокаде  Акцийын организаторжо — ГБУК НО «Нижегородская государственная областная детская библиотека имени Т. А. Мавриной».

Военно-патриотический воспитаний месячник негызеш «Ленинград кредалын да илен» лӱман шарнымаш шагат эртен. Тудо 1944 ий  27 январьыште Ленинградысе блокадым кораҥдымылан пӧлеклалтын.  900 наре кече да йӱд немыч войска Нева воктенсе олам тул оҥгышто кучен. Тушто илыше да тушман деч олам аралыше-влакын неле пагытыштым, чон дене пеҥгыде улмыштым Торгово- технологический колледжын студентше-влаклан каласкалыме.

Тунемше-влак совет салтакын вий-куатыштым, ӱдырамаш ден йоча-влакын пеҥгыдын шогымыштым шарналтеныт. Студент-шамыч поснак  самырык ленинградка Таня Савичеван дневникысе шарнымашыж нерген тӱткын колыштыныт.

Блокадым ончыде, композитор Дмитрий Шостакович,  архитектур академик Никольский, поэтесса Ольга Фёдоровна Берггольц шке пашаштым талын да лӱдде ыштеныт. Йоча-влаклан авторын йӱкшӧ дене «Нам от тебя теперь не оторваться» почеламутшо йоҥген.

Блокадан Ленинград илен, кредалын да пашам ыштен. Нева оласе  кредалмаш курымашлык подвигын символжо семын эрелан кодеш.

---