Улыт тугай еҥ-влак, кӧ илышыш метеорит семын толын пурат да шке почешышт шинчалан перныше палым кодат. Тыгай лийын Владимир Высоцкий — театрысе да киносо талантан актер , поэт, мурызо. Тудо улыжат 42 ийым илен, но волгыдо шарнымашым коден. Илымыж годым Владимир Высоцкийын ик книгажымат савыктыме лийын огыл, но тудын почеламутшо-влакым паленыт да йӧратеныт, тудын мурыжым муреныт. Всеволод Рождественскийын мутшо почеш, «тудо жапым мурен. А жапше тӱрлӧ лийын: неле, поро, вучыдымо, — но тудо тиде айдемын лийын…». Виян, чон почын возымо почеламут ден мурыжо-влак ятыр ий гычат мыланна лишыл да палыме улыт.

Мемнан книгагудын фондшо гыч чумырымо книга ончерым ужын, те Владимир Семенович Высоцкийын илыш да творчествыж дене лишкырак палыме лийын кертыда.

---