85 ий ожно 1936 ий 3 январьыште палыме руш поэт Николай Михайлович Рубцов шочын, а 50 ий ончыч 1971 ий 19 январьыште трагически колен… Николай Рубцовым шарныме кечын кугыжаныш да муниципал служба колледжын студентше-влак «Николай Рубцов: пӱрымаш да муро-влак» музыкально-поэтический  рандевушко погыненыт. Поэтын поэзийжым да биографийжым Сергей Есенинын  творческий пӱрымашыж дене таҥастарат. Тыгаяк кӱчык, трагически кӱрылтшӧ илыш. Тыгаяк чонеш логалше, лиризм шӱлышан почеламут-влак.  Тудын произведенийже-влак кызытат калык коклаште илат. Нунын дене пырля воштылыт да шортыт. Нуным йӧратат да мурат. 

Вашлиймашыште тунемше-влак поэтын тыглай огыл пӱрымашыж дене палыме лийыныт. Николай Рубцовын «Аленький цветок», «Я умру в крещенские морозы», «Привет, Россия» да моло почеламутшым колыштын, йоча-влак умыленыт — тиде возышын лирикыже сем дене рӱпшалтше. Таклан огыл муро ден романсше-влакым россий шӱдыр-шамыч  Александр Барыкин, Валентина Толкунова, Александр Морозов, Лолита, Александр Градский йоҥгалтарат. Кумдан палыме «Улетели листья», «Букет», «До конца, до чистого креста» да моло муро-влакат толшо-шамычын кумылыштым ышт кодо.

---