Таче — Инвалид-влакын тӱнямбал кечышт. Тиде дате улмо нерген шукынжо огытат пале. Но туге гынат  ынде 20 ий 3-шо декабрьыште Инвалид-влакын кечышт палемдалтеш. Статистике почеш, тӱняште кызыт ик миллиард утла еҥ инвалидлан шотлалтеш. Тидыже тӱнямбалсе чыла илыше кокла гыч 10 процент лиеш. Инвалидлан тугай еҥ шотлалтеш, кудыжо психический, физический, интеллектуальный, сенсорный манме чер дене орлана. Тыгай айдеме-шамычлан тичмаш илыш дене илаш неле. Садлан воктен улшо еҥ-влакын полышышт моткоч шерге.

Ятыр писатель инвалид еҥ-влакын проста огыл илышышт нерген воза. Тыгай книга-влак дене палыме лийнеда гын, «Илыш — межа деч посна» виртуальный книжно- иллюстративный ончерым лаштыклаш темлена.

Ончыза, аклыза!

---