Кеҥеж – сылне да вучымо пагыт! Тудо мыланна эреак шке шокшыжым, весела кумылжым пӧлекла, пӱртӱсыш лекташ ӱжеш.

Чыла кумылан-влакым ме «Объективыште — КЕҤЕЖ» фотоконкурсыш ушнаш ӱжына! Кеҥеж канышдан кузе эртымыж нерген мемнамат палдарыза: пеледыш коклаште ма але теҥыз воктене, сылне ӱжара годым але корнышто. Ала тендам йӱр деч варасе шонанпыл але шудо кокласе шоҥшо сымыстарен? Тӱҥжӧ — тендан пашаштыда кеҥеж куан шижалтше!

Конкурс номинаций-влак:

— «Ӧрышан — корнан-корнан» (ир да мӧҥгысӧ янлык дене пырля оҥай фотографий);

— «Пӱртӱсын ӧрыктарыше тӱняже» (чодыра, пеледыш, поҥго але саска аланым ончыктышо фотографий);

— «Кеҥеж кечын каныш годым» (тендан йӧратыме пашада нерген фотографий).

Ямде фотографийым те книгагудыш конден але почто дене тыгай адрес почеш колтен кертыда: РМЭ, Йошкар-Ола, Эшкинин урем, 10, сылнымут да сымыктыш пӧлка. Пашадам 9 гыч 17 шагат марте кажне кечын (шуматкече да рушарня — каныш кече) налына. Тыгак  rdub_oi@mail.ru электрон почтыш колташ лиеш.

Вашкыза! Пашам 2020 ий 21 сентябрь марте налына. 

Пашада ушныжо!

Конкурсышто участвоватлыме нерген рашрак – Конкурсын Положенийыштыже

Конкурсышто участвоватлаш Йодмашым  возыман.

---