Пагалыме лудшо-влак!
Кугу Сеҥымашын 75 ияш лӱмгечыже лишемеш. Мемнан кажнынан сарын талешкыже уло. Айста нунын нерген каласкалена!
Ме тендам «Шке талешкет нерген каласкале» патриотический акцийыш ушнаш ӱжына.
«Vk» социальный сетьыште улшо мемнан книгагудын официальный группыштыжо лӱмын альбомым вераҥдыме. Тушко те шке талешкыдан фотожым але сӱретшым шынден кертыда, тыгак тудын историйжым возышаш улыда. Шкендан тичмаш лӱмдам ончыкташ ида мондо.
Погымо чыла историйым  ик тӱшкаш чумырен, ме видеороликым ыштена да книгагудынан сайтышкыже вераҥдена.

Тек Кугу Сеҥымашын талешкышт нерген шарнымаш мемнан шӱмыштына эрелан кодеш!

Тыгак те  #Бессмертныйполкдома  движенийыште участвоватлен кертыда-

9 Май кечын еш кӧргыштӧ  шке салтакнам шарналтена. 

Шке ветерандан портретше дене пырля еш фотом ыштыза да тудын нерген каласкалымыдам видеош возыза. Шке салтакда нерген историйым #Бессмертныйполкдома #мойполкдома #бессмертныйполк2020 хештег дене социальный сетьлаште вераҥдыза. Тиде хештег дене Вконтакте, Фейсбук, Инстаграм соцсетьла гыч тендан постда moypolk.ru сайтысе #Бессмертныйполкдома​​​ лӱман разделыш авоматически  логалеш.

Рашрак  мемнан сайтыште

---