Марий Эл Республикын шочмо кечыж вашеш мемнан книгагудыштына «Марий кундем, шӱмлан пеш поро тый улат» почеламутым лудмо конкурс эртен. Кажне ийын тыгай конкурс мемнан дене утларак вийым налеш. Ынде нылымше гана усталык шӱлышан йоча-влак, республикнан тӱрлӧ луклаж гыч погынен, почеламут корныла гоч шочмо элым йӧратымышт нерген кумылыштым почыт. Марий поэт-влакын почеламутыштым школласе йоча-шамыч веле огыл, тыгак вузласе, техникум ден колледжласе студент-влакат шергылтареныт. А теве Помар кыдалаш школ гыч Роман Лебедев ден Верх-Ушнур кыдалаш школ гыч  Валентина Кушакова шке возымо почеламутыштым лудыныт. 

Конкурсышто чылаже 100 еҥ участвоватлен. Тунемше-влак Йошкар-Ола, Звенигово, Мари-Турек, Медведево, Морко, Советский, Параньга районла гыч лийыныт. Конкурс кок номинаций дене эртен: «Марий йылме дене поэтический произведений» да «Руш йылме дене поэтический произведений», ийгот шот дене кум категорий лийын: 1-4 классла, 5-9 классла, кугурак классла ден студент-влак. Участник-влакын лудмыштым жюри аклен: тиде — поэт, кусарыше, Марий Эл Республикын сулло пашаеҥже А.П. Иванова (Аптуллина), поэт да кусарыше  Г.Н. Смирнов, Марий Эл Республикын сулло журналистше Л.Н.Григорьева, прозаик да журналист Э.А. Петров, поэт да журналист Е.Ю. Яковлева (Моисеева), радиожурналист Т.Н. Хлобыстова. Нунылан лудшо-влак кокла гыч эн сайжым ойыраш куштылго огыл ыле.

 Жюрин аклымыж почеш Конкурсын сеҥышыже-влак лийыныт:

 » Марий йылме дене поэтический произведений» номинацийыште

 1-4 классла категорий:

I вер — Куклина Татьяна Владимировна, Верх-Ушнур кыдалаш школ ( Лидия Иксанова «Марий Элем»)

II вер — Никитина Ксения, 1-ше номеран Морко кыдалаш школ (С. Г. Чавайн «Мӱкш»)

III вер — Байгузина Юлиана, Руэм кыдалаш школ ( Василий Элмар «Мый йӧратем марий кундемым»)

5-9 классла категорий:

I вер — Алексеев Антон, 1-ше номеран Морко кыдалаш школ (М. Казаков «Шукерте лийын тиде»)

II вер — Иванова Ангелина Вадимовна, 6-шо номеран Морко кыдалаш школ (Татьяна Пчелкина «Марий Элем дене кугешнем»)

III вер — Медведева Алена Валерьевна, Семёновка селаште верланыше Йошкар-Оласе 21-ше номеран школ (Татьяна Пчелкина  «Марий Элем»)

 Кугурак классла да студент-влак категорий:

I вер — Ефимова Элла Эвриковна, 6-шо номеран Морко кыдалаш школ ( Татьяна Пчелкина «Памаш вӱдым тич погалын»)

II вер — Кушакова Валентина Анатольевна, Верх-Ушнур кыдалаш школ ( Валентина Кушакова «Шочмо ялем»)

III вер — Калинина Анастасия Сергеевна, Йошкар-Оласе 6-шо номеран школ (Катерина Шабдар «Марий Эл» )

 «Руш йылме дене поэтический произведений» номинаийыште

1-4 классла категорий:

I вер — Майоров Савелий Михайлович, Йошкар-Оласе Т.И.Александрова лӱмеш 11-ше номеран лицей  (Андрей Яндулов «Край ты мой марийский» )

II вер — Иванова Екатерина Алексеевна,  Турша кыдалаш школ ( Максим Емельянов «Приезжайте к нам»)

III вер — Пахомова Алла Владимировна, Шойбулак кыдалаш школ ( Зинаида Каткова «Моя деревня»)

5-9 классла категорий:

I вер — Лебедев Роман Андреевич, Помар кыдалаш школ (Роман Лебедев «Что называю Родиною я»)

II вер — Мамаева Полина Алексеевна, 6-шо номеран Морко кыдалаш школ (Д. Елисеев «Марийский край»)

III вер — Семенова Елена Альбертовна, Калыкле президентский школ-интернат ( Миклай Казаков «Когда ты сумеешь опять очутиться..»)

 Кугурак классла да студент-влак категорий:

I вер — Федяева Полина Сергеевна, Алексеевский кыдалаш школ (Николай Михеев («Край и место»)

II вер — Тихонов Данила Валерьевич, 6-шо номеран Морко кыдалаш школ (Андрей Шурыгин «Моя милая Йошкар-Ола»)

Сеҥыше-влаклан диплом ден спонсор-влакын пӧлекыштым кучыктымо. Кугу таум ойлен мемнан спонсорна-влаклан: «Марийское книжное издательство» савыктыш пӧртлан да тудын вуйлатышыже  Соловьёв Юрий Ильичлан, «Кугарня» газет редакцйын «Звонок» йоча газетшылан да «Ямде лий»  газетлан.

Сеҥыше-влакым шокшын саламлена! Конкурсын чыла участникше-шамычлан у кӱкшытым тыланена!

---